Page 41 - DIA 11 AUG
P. 41
DIAMARS 11 AUGUSTUS 2015 DIARIO PAGINA 41
Atrobe tiramento di
piedra na Palm Beach
causando daño na auto
ORANJESTAD (AAN):
Polis di Noord a bay tambe
diadomingo mainta mas o
menos 11 or na un adres den
Palm Beach unda destruccion
a tuma lugar na un auto. Nan
a papia aki cu e homber L cu a
laga sa cu diasabra anochi mas
o menos 11 or el a staciona su
auto na su cas y diadomingo
madruga el a tende un boroto y
ora el a wak pafo el a mira algun
homber ta core bay ariba y cu a
cuminza tira piedra.
El a mira tambe cu polis a yea y
a detene algun persona, despues
el a bay drumi.
Mainta casi 11 or ora cu el a sali
cu su yiunan y nan mana, el a
mira cantidad di piedra den cua.
El a bay controla su autonan y
a ripara cu su KIA Sportage A
1599 color maron a haya daño.
E ta supone cu e hendenan cu
polis a atendi den madruga
mester sa kende a causa e daño
na e auto. Polis a tuma datonan
y haci anotacionnan necesario
pa sigui investiga e caso aki.
