Page 9 - MIN ECEM
P. 9
AWEMainta Diasabra, 26 Augustus 2017 7
Andin Bikker
Durante ‘Debate Politico Latino’ a amplia
riba topiconan di interes p’e pueblo Latino
POR su plan di gobernacion Vision Hunto Nos POR ta conta cu inclusion
di henter comunidad di Aruba.
Diahuebs anochi den Cas di Cultura a tuma lugar un debate dirigi n’e comuni-
dad Latino na Aruba. Representantenan di Pueblo Orguyoso y Respeta (POR)
cu a forma parti di e debate aki tabata sres. Andin Bikker y Jairo Maduro.
Hopi di e preguntanan cu e organisadornan a enfoca riba dje tabata temanan
di interes general tambe manera situacion social, debe nacional, salubridad,
integracion, programanan pa nos hobennan y husticia.
POR a percura pa comunica e informacion di e plan di gobernacion pa añanan
2017 – 2021 na tur esnan cu tabata presente den Cas di Cultura y n’esnan cu
a sigui e debate via e diferente medionan di comunicacion cu a transmiti esaki.
Plataforma politico POR E Forsa Nobo kier percura pa tin inclusion berdadero
di e pueblo Latino den e pueblo Arubiano. Tambe ta boga pa reconoce y
respeta cu e inmigrantenan legal cu ta biba aki na Aruba tambe ta contribui
n’e desaroyo y bienestar di nos isla.
Comunidad Latino por tin sigur cu nan bienestar tambe ta inclui den e pro-
grama ‘Vision 17-21 Hunto Nos Por’.
E ultimo 16 añanan aki a wak solamente dos signatura goberna e Pais aki y
e mesun problemanan a keda bin dilanti. Nos tin riba 50% di nos poblacion
cobrando salario minimo, retonan cu salubridad, economia ta stanca; Nos
no a conoce reforma fiscal e ultimo añanan aki y tin diferente ley anticua.
P’esey si bo kier un cambio bo mester vota pa un cambio. POR no ta solamente
aspira pa drenta gobernacion sino POR tin un plan pa rescata e Pais aki.
POR tin un plan integral y ta un di e prome partidonan cu a presenta esaki.
POR t’e unico cu tin un plan di gobernacion realistico cu contribucion y
inclusion di henter comunidad, p’esey E Forsa Nobo merece bo confiansa