Page 22 - ATA DEC 12 2014
P. 22
Pa 2017 Aruba su puerto mester ta cla pa ricibi barconan hopi mas
grandi
Thursday, 11 December 2014 22:05
Comparti
Barconan crucero ta sigui bira mas grandi y den un reunion na augustus cu un delegacion di Royal
Caribbean na nos isla, Aruba Ports Authority a wordo informa cu lo mester prepara waf di Aruba pa ricibi
e barconan di e categoria Oasis Class y Quantum Class no mas laat cu aña 2020 padilanti.
Ya caba pa aña 2017, Royal Caribbean ta poniendo den servicio pa e area aki e mega crucero di categoria
Freedom Class, cual tambe tin su rekisitonan pa cu nos waf. Director di Aruba Ports Authority (APA),
Jossy Figaroa a splica cu Aruba su waf mester wordo prepara pa e yegada di e barconan aki y Royal
Caribbean ta pidi un waf cu un entrada di 200 meter hancho y un profundidad di 12.5 meter. Pa Aruba
esaki no ta un problema hopi grandi, pasobra e canal tin un profundidad di 13 meter y un hanchura di
200 meter, segun Figaroa. El a bisa cu den transcurso di añanan a acumula santo y lo mester haci un
dredging di mantencion pa coba kita e santo. Loke si tin un poco reto cune ta e hanchura di 200 meter
pasobra tin mangrove mucho cerca pa bay asina hundo na algun luga. Despues di discuti e problema na
Aruba, siman pasa un delegacion di APA a biaha cu un ingeniero di DOW pa Miami, unda cu nan a reuni
cu Royal Caribbean. Aki nan a logra convence Royal Caribbean cu pa prome cu 2015 no ta necesario pa
haci e maintenance dredging. A yega na e conclusion aki como cu si concidera cu Royal Princess ta
bishitando Aruba caba y sin problema y e Freedom Class ta practicamente mesun grandi cu Royal
Princess lo no tin problema cu e Freedom Class, Jossy Figaroa a splica. Loke si mester tene cuenta cune ta
e Oasis Class y pa e tempo ey lo percura pa haci e canal mas profundo, el a añadi. Royal Caribbean a splica
cu pa e tempo cu nan kier introduci Oasis y Quantum Class pa nos region, Aruba su waf lo mester ta cla,
pasobra si tin mucho biento e barco no por wordo maniobra manera cu e capital kier y e mester di
bastante espacio pa e desvia. Aruba mester percura pa tin un canal di 200 meter cu un profundidad di por
lo menos 11.5 meter pa asina e kiel di e boto por clear cu por lo menos dos meter di speling. Awo ta keda
pa tuma e decision na Aruba si lo haci un maintenance dredging na 2015 y despues traha riba e canal,
pues haci e resto di trabao na 2017 y Figaroa a expresa cu ta mustra cu tur trabao lo tuma luga na 2017. E
ingeniero di DOW actualmente ta haciendo calculacionnan di kico pa haci y na unda pa coba, el a añadi.
Figaroa a splica cu no ta spera cu den futuro e barconan crucero lo bira hopi mas grandi cu e mega
cruceronan actual, pasobra no lo tin bastante waf cu por acapara nan y cumpli cu nan necesidadnan y
esaki ta limita e cantidad di destinacion cu nan por ofrece na nan clientenan. Hopi waf rond mundo
simplemente no ta prepara. Den tur caso, na momento cu Aruba dicidi di contrata un compania pa haci e
dredging lo busca un barco cu ta den nos region como cu e mobilisacion di barconan cu ta haci e tipo di
trabao aki ta loke ta e gasto mas grandi di e total. Tin tempo pa planea y prepara for di awo, pa ora e placa
ta disponibel tur cos ta cla pa cuminsa cu e trabao pa prepara e canal pa ricibi Oasis Class, Jossy Figaroa a
expresa. El a añadi cu e waf mes ta practicamente cla, por ricibi dos barco asina, pero mester pone
“boulder” pa haci esaki posibel y actualmente APA ta wardando pa Royal Caribbean manda e
specificacionnan pa cu e grandura, etc. di e boulder. Figaroa a conclui bisando cu e companianan di barco
crucero semper ta menciona e hecho cu ta costa nan mas placa pa organisa un cruise den e parti sur di
Caribe, unda cu Aruba tambe ta ubica, como cu ta costa mas combustibel pa yega aki. Pa saca nan gasto
mester tin mas luga pa nan bay cerca akibanda.
grandi
Thursday, 11 December 2014 22:05
Comparti
Barconan crucero ta sigui bira mas grandi y den un reunion na augustus cu un delegacion di Royal
Caribbean na nos isla, Aruba Ports Authority a wordo informa cu lo mester prepara waf di Aruba pa ricibi
e barconan di e categoria Oasis Class y Quantum Class no mas laat cu aña 2020 padilanti.
Ya caba pa aña 2017, Royal Caribbean ta poniendo den servicio pa e area aki e mega crucero di categoria
Freedom Class, cual tambe tin su rekisitonan pa cu nos waf. Director di Aruba Ports Authority (APA),
Jossy Figaroa a splica cu Aruba su waf mester wordo prepara pa e yegada di e barconan aki y Royal
Caribbean ta pidi un waf cu un entrada di 200 meter hancho y un profundidad di 12.5 meter. Pa Aruba
esaki no ta un problema hopi grandi, pasobra e canal tin un profundidad di 13 meter y un hanchura di
200 meter, segun Figaroa. El a bisa cu den transcurso di añanan a acumula santo y lo mester haci un
dredging di mantencion pa coba kita e santo. Loke si tin un poco reto cune ta e hanchura di 200 meter
pasobra tin mangrove mucho cerca pa bay asina hundo na algun luga. Despues di discuti e problema na
Aruba, siman pasa un delegacion di APA a biaha cu un ingeniero di DOW pa Miami, unda cu nan a reuni
cu Royal Caribbean. Aki nan a logra convence Royal Caribbean cu pa prome cu 2015 no ta necesario pa
haci e maintenance dredging. A yega na e conclusion aki como cu si concidera cu Royal Princess ta
bishitando Aruba caba y sin problema y e Freedom Class ta practicamente mesun grandi cu Royal
Princess lo no tin problema cu e Freedom Class, Jossy Figaroa a splica. Loke si mester tene cuenta cune ta
e Oasis Class y pa e tempo ey lo percura pa haci e canal mas profundo, el a añadi. Royal Caribbean a splica
cu pa e tempo cu nan kier introduci Oasis y Quantum Class pa nos region, Aruba su waf lo mester ta cla,
pasobra si tin mucho biento e barco no por wordo maniobra manera cu e capital kier y e mester di
bastante espacio pa e desvia. Aruba mester percura pa tin un canal di 200 meter cu un profundidad di por
lo menos 11.5 meter pa asina e kiel di e boto por clear cu por lo menos dos meter di speling. Awo ta keda
pa tuma e decision na Aruba si lo haci un maintenance dredging na 2015 y despues traha riba e canal,
pues haci e resto di trabao na 2017 y Figaroa a expresa cu ta mustra cu tur trabao lo tuma luga na 2017. E
ingeniero di DOW actualmente ta haciendo calculacionnan di kico pa haci y na unda pa coba, el a añadi.
Figaroa a splica cu no ta spera cu den futuro e barconan crucero lo bira hopi mas grandi cu e mega
cruceronan actual, pasobra no lo tin bastante waf cu por acapara nan y cumpli cu nan necesidadnan y
esaki ta limita e cantidad di destinacion cu nan por ofrece na nan clientenan. Hopi waf rond mundo
simplemente no ta prepara. Den tur caso, na momento cu Aruba dicidi di contrata un compania pa haci e
dredging lo busca un barco cu ta den nos region como cu e mobilisacion di barconan cu ta haci e tipo di
trabao aki ta loke ta e gasto mas grandi di e total. Tin tempo pa planea y prepara for di awo, pa ora e placa
ta disponibel tur cos ta cla pa cuminsa cu e trabao pa prepara e canal pa ricibi Oasis Class, Jossy Figaroa a
expresa. El a añadi cu e waf mes ta practicamente cla, por ricibi dos barco asina, pero mester pone
“boulder” pa haci esaki posibel y actualmente APA ta wardando pa Royal Caribbean manda e
specificacionnan pa cu e grandura, etc. di e boulder. Figaroa a conclui bisando cu e companianan di barco
crucero semper ta menciona e hecho cu ta costa nan mas placa pa organisa un cruise den e parti sur di
Caribe, unda cu Aruba tambe ta ubica, como cu ta costa mas combustibel pa yega aki. Pa saca nan gasto
mester tin mas luga pa nan bay cerca akibanda.
