Page 31 - MIN ON , APRIL 16,2015

Cero tolerancia den agresion contra docente

W ednesday, 15 April 2015 19:27
Comparti

"Polis ta investigando e caso aki y mi ta spera cu pronto nan yega na e sospechosonan.
E tipo di actitudnan asina NO ta aceptabel", asina Minister di Enseñansa, Michelle Hooyboer-Winklaar,
a duna di conoce despues di a tuma nota di e agresion contra cabesante di Filomena School na San
Nicolas. "Nos ta aplicando cero tolerancia den agresion contra docente!".
Den pasado caba Gobierno a demostra di ta para duro den e tipo di casonan asina, den cual sea docente
of alumnonan ta bou di menasa. Por corda e caso ainda na La Salle College unda e bendedo di frio dilanti
e scol a menasa di rementa e scol cu un bom. A keha e comerciante na husticia, pa cual a tuma accion y
medida mesora.
"Ningun docente ta lanta for di cama mainta pa bay duna les na scol y spera di bira victima di agresion. E
cos aki gewoon no ta aceptabel", di acuerdo cu e titular di enseñansa. No tin indicacion ainda cu ta trata
di studiantenan di e mesun scol, pero no por descarta nada ainda.
E caso a haya extra atencion despues cu sindicato di maestronan, SIMAR, a pidi su miembronan pa bisti
na preto atrobe den un esfuerso pa mustra sosten pa nan colega cu a bira victima di agresion na scol. Un
grupo di mucha cu cara tapa a agredi e cabesante sin ningun motibo.
"Na varios scol tin siguridad caba durante dia. Otronan ta uza miembronan di siguridad despues di
orario di scol. Ta dificil pa por tin un miembro di siguridad na tur scol, durante henter dia, pero mester
por identifica e casonan di problema pa sigura cu e scolnan ey tin e proteccion necesario. Mi ta sigur cu
nos lo por haya mas sosten y cooperacion tambe di nos amigonan di Polis", segun Minister Hooyboer-
Winklaar a enfatisa.
Den pasado a tene un Dialogo Social caba cu varios entidad di enseñansa y husticia, di cual a acorda cu lo
traha mas cerca di otro pa promove mas siguridad y proteccion. Parce cu tin hopi espacio ainda pa
mehoracion y mas cooperacion. Riba esey lo mester bay traha mas duro pa por evita ripiticion di e tipo di
casonan asina.

Comentarionan (1)

Mustra/Kita comentarionan
Torino di Lucca
April 15, 2015
2 0 1 .2 2 9 .1 8 .1 0 9
Votes: +3

...
Diripente Minister tin un approach diferente. Waw ta kiko a pasa? Pregunta ta lanta si e actitud di e alumnonan aki
ta e fruta di e manera cu Minister a atende e caso di Kudawecha unda cu a proteha e alumno y rebaha e maestro di