Page 52 - KPA 4 JULI 2015

Gaebrielle Alessandra Mickaela Garcia mihor studiante na
Juliana y tabata cla pa drenta Colegio

Saturday, 04 July 2015 07:23
Comparti

E morto di Gaebrielle Alessandra Mickaela Garcia a shock famia y amiganan masha duro mes. Mas
trempan Gaebrielle y su amiganan tabata hunto manera custumber den weekend. Atardi nan a sali bai
keiro y come algo den grupo di amiga.

Atardi a bai cas cu intencion pa anochi bolbe topa. Esaki nunca a sosode pasobra atardi e hoben
studiante aki a fayece. E amistadnan tur a bini na e cas den Potrero Weg ora cu a tende di e morto di
Gaebrielle. E tin 14 anja y a bai over den prome klas MAVO na Juliana como e mihor studiante. E tabata
tin e mihor puntuahe den klas y a haya e chens pa inscribi su mes na Colegio pa drenta dos klas di HAVO
y a ser acepta tambe. Tur cos a keda na un deseo pasobra morto repentino a presenta. Comunidad
Filipino a presenta na cantidad na e cas pa consola e famia. E ruman muher un tiki mas grandi cune
tabata den cas cu Gaebrielle. Investigacion mester wordo haci pa mira kiko ta e causa exacto y pesey
recherche a presenta. Autopsia lo wordo haci riba e curpa di e hoben aki y haya claridad riba su morto.
Gaebrielle no ta un mucha cu tabata malo di salud. Pesey ta na su lugar pa investiga e causa di e morto.
Mas anochi un biaha mas mester a manda ambulance cu urgencia na mesun adres pasobra otro hende a
bira malo. E mama y tata di Gaebrielle ta Filipino y e mes a nace na Aruba. Consul honorario di Filipinas
tambe a wordo notifica y tabata un noticia hopi tristo pe y su casa y famia na cas. Nan conoce Gaebrielle
pasobra e ta hopi activo tambe den actividadnan Filipino. Pas na su restonan y forza na e famia y
amistadnan.