Page 27 - awem
P. 27
AWEMainta Dialuna, 07 Maart 2016 27
Ale Werleman a
celebra 80 aña
den compania
di su famia
SIMAN pasa, Cas Ariba tabata di fiesta momento cu
Ale Werleman a celebra un bunita edad cumpliendo
80 aña. Ale Werleman ta hopi popular den Sta Cruz y
rond Aruba.
Ale ta conoci den pueblo pa su autobus B-29, cual pa hopi
aña el a maneha, y ta tambe pa su cahanan di orgel, e. o.
caha “El Negrito Maldito”, cual porcierto tin un historia
masha bunita su tras.
Den compania di su yiunan, amigonan y henter famia
a celebra na cas di su yiu Rodney Werleman na Cas
Ariba un tremendo fiesta. Durante fiesta a repasa riba
un screen grandi potretnan di Ale desde su infancia te
cu actual cual sigur a yena familiares y Ale cu bastante
emocion mirando con e tempo a transcuri.
Hubert Thiel hunto cu un DJ a delita tur presente cu
tremendo musica unda tur hende baila bay goal. Un
bunita celebracion pa Ale Werleman. Hopi mas aña di
bida y salud.
Riba potretnan por aprecia Ale Werleman hunto cu su
yiunan Bernadeta Croes, Valentino y Silvio Werleman.
Tambe Tanta Gidia Maduro y Xiomaira Maduro.
