Page 5 - MC DONALD_Neat
P. 5
Arcos Dorados entre e miho luganan pa traha den Latino
America
Monday, 18 May 2015 18:02
Comparti
Arcos Dorados, cu ta opera mas cu 2000 restaurant di McDonald’s den Latino America y Caribe, a
anuncia awe cu a nombra nan como e di cinco miho luga pa traha pe den Latino America.
Esaki ta di dos aña consecutivo cu ‘Great Place to Work Institute’, ta nombra Arcos Dorados den e top 5
hunto cu otro companianan multinacional operando den e region. E instituto aki ta selecta companianan
cu ta resalta riba tur otro ya cu nan ta crea un ambiente consistente cu hopi confiansa cubriendo
fronteranan nacional.
“Arcos Dorados ta hopi contento di a keda selecta den e top 5 miho luga pa traha den Latino America.
Esaki ta un honor cu nos ta comparti cu tur empleado trahando den restaurantnan di McDonald’s aki na
Aruba y cu ta lucha pa provee e miho experencia pa nos clientenan”, asina Woods Staton, Presidente y
“Chief Executive Officer” di Arcos Dorados a duna di conoce.
Prome biaha cu McDonald’s a subi lista di ‘Great Place to Work’ pa Latino America tabata na aña 1997. E
resultado di e aña aki ta basa riba inspeccion di mas cu 1.25 miyon empleado den e region.
Arcos Dorados ta e operador di restaurant di McDonald’s di mas grandi na mundo den termino di benta
y den cantidad di restaurantnan, operando e cadena di mas grandi di “Quick Service Restaurant” den
Latino America y Caribe. E tin e derecho exclusivo di ta doño, opera y duna frankicia di restaurantnan
McDonald’s na 20 pais Latino Americano y Caribense, incluyendo Argentina, Aruba, Brazil, Chile,
Colombia, Costa Rica, Corsou, Ecuador, Guyana Frances, Guadeloupe, Martinique, Mexico, Panama,
Peru, Puerto Rico, St. Croix, St. Thomas, Trinidad & Tobago, Uruguay y Venezuela.
Arcos Dorados ta opera of ta duna frankisia na mas cu 2,121 restaurant McDonald’s y ta emplea mas cu
95,000 persona y ta sirbi aproximadamente 4.3 miyon cliente pa dia. Reconoci como un di e miho
companianan den Latino America, Arcos Dorados ta riba bolsa di New York (NYSE: ARCO).
http://www.24ora.com/local-mainmenu-5/95269-arcos-dorados-entre-e-miho-luganan-pa-traha-den-
latino-america
