Page 50 - MIN SOC

AWEMainta Diamars, 09 Februari 2016 9

Minister Paul Croes ta premira:

Reduccion di
desempleo
bou hubentud
e aña aki

DURANTE tratamento di Presupuesto 2016 den

Parlamento, Minister di Labor drs. Paul Croes a mustra
cu e ta sigur cu e cifra di desempleo bou di hubentud
lo baha. Actualmente e cifra oficial di desempleo ta na
22.8%. Na 2009 esaki tabata 35.2 %.
“Cu e differente programanan pa integra hobennan
riba e mercado laboral mi ta sigur cu nos lo tin mas
hoben na trabou. E proyecto Ban Traha Trayecto
Hubentud, Sociale Vorming, Leerwerk traject y e
Jobfair Nacional lo contribui cu hobennan lo haya e
oportuinidad pa aplica pa trabou”, Minister Paul Croes
a informa den Parlamento.
Minister Croes ta sinti cu den comunidad y tambe
den Parlamento tin un tipo di desconfiansa den nos
hubentud. Como Minister encarga cu e maneho
integral di Hubentud el a mustra cu berdad tin un
grupo di hobennan cu ta wordo considera como “
risico jongeren”, pero e gran mayoria di nos hubentud
ta hobennan consciente y haciendo cosnan positivo.
Minister Croes ta kere cu un poco mas empuhe di
mayornan y lidernan den nos sociedad nos lo conduci
di berdad na hobennan mas productivo.
“Cu e re-apertura di e refineria tambe nos lo mira
oportunidad pa nos yuinan di tera tambe yega na un
empleo fiho”, Minister Paul Croes a duna di conoce.