Page 11 - hoh - juni 8,2015
P. 11
Mervin Wyatt-Ras: Parlamentarionan di
paisnan den Reino a haya recorido den
Hospital Horacio Oduber
on: Monday, June 8, 2015In: PoliticaNo Comments
Print Email
Siman pasa, durante e siman di e conferencia di salud / (Health Care Conference Aruba (HCCA)
Parlamentarionan di Aruba, Corsou y di otro islanan a bishita e facilidad di Hospital cu
actualmente ta den reconstruccion. A ricibi splicacion for di SOGA, miembronan di Raad di
HOH y desaroyadornan encuanto e proceso di construccion y renobacion. Despues di
construccion y renobacion hospital aki lo consisti di diferente parti esun di e oficinanan, lab y
espacionan di operacion y cambernan pa pashent pa un of 2 hende. Aki ta tene cuenta cu
privacidad y comfort di e pashent y su famia. Por constata cu no lo aumenta e cantidad di
cambernan, paso den futuro e tendencia ta cu mas y mas pashent lo keda menos dia den Hospital.
Tanto e contratistanan como desaroyadornan a splica durante un recorido p’afor ariba tereno di
construccion. Wyatt-Ras a haci pregunta ki dia HOH lo tuma decision tocante e salanan di
operacion cu anteriormente no a ser calcula den e trabounan inicial y pues no tabata den planning
pa ser renoba. Parlamento durante un debate tocante e salanan di operacion a palabra cu gobierno
lo sinta na mesa cu SOGA y Hospital pa despues bin bek Parlamento y ainda no a bin bek pa
sinta hunto. A tende cu lo a yega na un acuerdo, sin embargo Parlamento no a ser informa di
esaki. Parlamento lo keda pendiente di esaki pa continua cu e reunion. Bao di esnan presente
tabata e Presidente di e diferente Parlamentonan den Reino, esta sra. Marisol Lopez Tromp, sr.
Mike Franco. Tambe miembro y presidentenan di comision di Salud di e diferente paisnan.
Wyatt-Ras come presidente di e comision di Salud di Aruba ta haya importante cu nos por conta
cu un bon edificio di Hospital, sin embargo ta di opinion cu tur cos mester cana debidamente y
segun procesonan corecto y hunto cu coleganan di Parlamento ta keda den espera di continuacion
di e debate tocante HOH den parlamento.
