Page 6 - ARUBA AIRLINES
P. 6
Awe e avion CRJ-200 lo yega y mesora
Aruba Airlines lo tin e vuelo inaugural oficial
pa Curacao
- Advertisement -
ORANJESTAD (AAN): Aunke nan tabata bulando e ruta caba, tog awe Diamars lo tin e
vuelo inaugural oficial di Aruba Airlines pa Curacao.
Esaki ta wordo haci, ora cu e avion cu nan ta bay bula cune, lo yega Aruba. Mesora lo
use pa e vuelo inaugural.
DIARIO a haya sa cu e avion mes ya caba a haya e verf di e bandera y e logo di Aruba
Airlines den exterior, y Diamars banda di 10:00 am, e avion CRJ-200LR lo yega Aruba.
Canadair Regional Jet CRJ-200 ta un avion cu dos motor di jet, tin capacidad pa 50
pasahero y fabrica pa Bombardier.
Pa 12:00 pm, e avion lo haci e vuelo inaugural pa Curaçao, y abordo lo tin un grupo di
invitado special ta viaha cu nan.
Na Curacao, e grupo di invitado y prensa lo wordo hiba pa un conferencia di prensa
combina cu almuerzo na Sambil. Atardi e delegacion lo regresa Aruba, y anochi lo tin
un celebracion na un lugar na Palm Beach.
