Page 21 - HOH

AWEMainta Diaranson, 5 Juli 2017 13

Sumamente orguyoso Hospital ta di e logro aki

Un total di 4 nurse a specialisa den neurologia

PA prome biaha den historia di Aruba y di Dr.
Horacio E. Oduber Hospitaal cu un total di 4
nurse a specialisa den neurologia. Coordinador
di departamento Zorg Opleidingen, sr. Frans
Figaroa, a indica di ta orguyoso y contento cu
e educacion specialisa aki, pasobra e parti di
neurologia ta algo cu hopi biaha ta bin dilanti
hunto cu enfermedadnan di curason cual cada
biaha ta birando mas y ma riba nos isla pues
un specialisacion asina tabata necesario.

Aki na Aruba mester di hendenan specialisa
den neurologia y cu por trata cu e pashentnan
aki ora cu nan hospeda den hospital. Un parti
di e educacion cu e nursenan den neurologia a
enfoca riba dj’e ta e parti di duna informacion
pa loke ta prevencion di stroke, sr. Figaroa a
comenta.
Si un hende haya un stroke pa un motibo
of otro, na hospital tin diferente protocol cu
mester sigui y pues esaki tambe ta cay den e
opleiding aki.

Ta hopi importante pa tin hendenan cu ta
super specialisa rib’e tereno di neurologia cu
por yuda traha e protocolnan, pero hunto cu
e neurologonan cu ta trahando den hospital
p’asina nan tambe por percura cu e pashentnan
por haya menos daño ora nan haya un stroke.
Ta importante pa despues di a sufri di un stroke
cu nan por bay bek den comunidad y funciona
optimalmente.

E educacion di e 4 nursenan cu a specialisa
den neurologia ta wordo duna conhuntamente
cu Vrije Universiteit Amsterdam. Esaki ta ser
coordina completamente dor di departamento
di Zorg Opleiding di Hospital, segun dr. Rob
Tonk ta splica.

E opleiding a ser duna completamente na Aruba
pa loke ta teoria. E parti teoretico ta dura 30
dia, pero e ta parti den 1 aña y mey. E resto
ta practica rib’e departamento mes. Tur esaki
ta coordina y planea Pa Vrije Universiteit Am-
sterdam conhuntamente cu Hospital di Aruba.

E estudio ta specialisacion den neurologia ta-
batin un duracion di 1 aña y mey.
“Actualmente pa loke ta continuacion den e
educacion specifico aki pa mas nurse no tin
nada planea ainda, pero sigur cu si mester di
mas di e enfermeronan specialisa den neuro-
logia pa futuro”, asina dr. Rob Tonk a splica.
E ta kere pa otro aña of aki 2 aña lo bay tin
un biaha mas e opleiding aki pa 6 of 8 hende.