Page 5 - NAGICO

Si auto cu stuur na man drechi tin keuringskaart, e ta wordo
segura

Sunday, 24 May 2015 15:37
Comparti

Diego Frankel, Presidente di e Asociacion di Companianan di Seguro den un declaracion duna, a bisa cu
autonan cu stuur na banda drechi ta wordo segura door di companianan local.

Frankel a splica cu e vehiculonan aki ta wordo importa sin restriccion y por lo tanto ta wordo segura.

Si ta asina cu na momento cu un seguro wordo cera ta tene cuenta cu e tipo di vehiculo y tambe esun cu
ta bay manehe. El a splica cu ora cu bo tin hobennan ta core un vehiculo cu motornan grandi, e riesgonan
ta mas grandi tambe.

Pa loke ta accidentenan, el a splica cu esaki ta sosode cu tur tipo di vehiculo. Door cu tin mas di e tipo di
autonan aki moviendo den trafico di Aruba, esta esnan cu stuur na banda drechi, estadisticanan ta
mustra cu e accidentenan den e cual e vehiculonan ta envolvi a cuminsa aumenta. Pero atrobe, e ta bisa,
cu no tin motibo awor pa bisa cu no ta segura e autonan aki mas, pasobra e situacion no a sali for di man.
“Te aworaki e no ta alarmante y no ta keda na nos pa dicidi cu no ta importa e autonan aki mas. E ta algo
cu Gobierno, Polis y departamento di Seguridad den Trafico mester dicidi, kico nan kier haci. E ta nan
responsabilidad. Ora cu e autonan tey y nan mester wordo segura, esey nos ta haci. Pa esaki nan mester
presenta e keuringskaart di DTI.” El a agrega cu si e vehiculonan aki ta afgekeurd na e pais for di unda
nan a wordo importa, no ta importa pa e companianan di seguro basta cu nan por presenta un
keuringskaart di Aruba.

Na momento di segura e vehiculo, ta wak e balor di e auto, ki tipo di seguro nan kier cumpra, y asina ta
cobra un di e primanan stipula door di Gobierno. Mayoria biaha e autonan no ta wordo segura all risk
pasobra nan ta basta bieu caba. Den caso di tercera parti, mayoria compania ta pone un limita di 150 mil
florin.

E organisacion di companianan di seguro no a experencia mesun situacion na otro islanan, manera Sint
Maarten. El a splica cu no tin asina hopi auto cu stuur na man drechi, y tampoco na e otro islanan. Aruba
ta e isla cu tin mas hopi di e vehiculonan aki.

El a recorda cu companianan ta segura auto y por lo tanto si un tata fia un yiu su auto y e accidenta, e
compania di seguro mester paga e daño, amenos cu e yiu no tin rijbewijs. Si e yiu ta hoben, companianan
ta cobra algo extra pa e riesgo. Brokernan, el a sigura, ta ehecuta reglanan di companianan di seguro, ya
cu nan ta un tipo di intermediario. Awendia Aruba no tin asina hopi broker mas, ya cu mayoria a wordo
cumpra y mayoria awendia ta e banconan mes ta actua como broker.

Comentarionan (1)

Mustra/Kita comentarionan

donkey

May 24, 2015
201.229.35.35