Page 29 - ARUBA BANK

Diahuebs, 21 Juni 2018 AWEMainta 9

No uza Honey Smacks Cereal si bo tin’e na cas

DESPUES cu AWEMainta a publica e noticia diaranson di e recall
di un product di Kellogs, e mesun mainta Salubridad Publico a manda
un informe confirmando esaki y cu e producto aki ta wordo bendi na
Aruba tambe.
E informe di DVG ta bisa cu Food and Drugs Administration (FDA)
recientemente a haci un ‘recall’ riba e producto Honey Smacks Cereal
di marca Kellogg’s despues cu varios persona a bira malo di Salmonella
den diferente estado na Merca.
Ta sospecha cu e brote di salmonela ta relaciona na consumo di e
producto aki Honey Smacks Cereal di Kellogg's. FDA ta conseha tur
consumidor pa no come e producto aki cu tin e fecha di production
menos cu un (1) aña bieu y ta referi tambe na e producto aki den tur
size di empake, di caha grandi te cu size chikito.
Departamento di Salud Publico despues di a wordo notifica riba e
recoleccion aki a tuma tur paso nesesario. A tuma contacto cu agencia
distribuidor y otro companianan cu tambe ta importa e marka aki.
E producto Honey Smacks Cereal a wordo kita for di riba shelf den
tur supermercado pero un suplica ta bay na comunidad pa revisa si na
cas nan por tin e producto aki. Si esaki ta e caso, no consumi esaki y
entrega esaki na Frasa Trading.
Pa mas informacion por tuma contacto cu Dienst Warenkeuring en
Hygiëne di Departamento di Salud Publico na 5224200.

Cambio di prijs di Cuminda y

servicio di catering na Mei 2018

E indice di “Cuminda & servicio di catering” a
registra un subida di 0.2% na Mei 2018, despues
di un subida di 0.5% na April 2018. E indice di
“Cuminda na cas” (0.3%) a registra un subida,
unda ocho (8) di e diesun (11) indicenan di
e gruponan di cuminda na cas a subi na Mei
2018. E indice di “Fruta” a conoce e subida di
mas grandi (1.7%) na Mei 2018. E indicenan
di “Batata, yuca y batata dushi” (0.8%), “Lechi,
keshi y webo” (0.8%), “Carni” (0.5%) y “Azeta
y otro productonan traha di vet” (0.5%) tambe
a registra subidanan. E indicenan di “Berdura”
(-3.3%) y “Pisca y otro cuminda di lama” (-0.3%)
a registra caida di prijs.
Den e ultimo diesdos (12) lunanan e indice
di “Cuminda & servicio di catering” a subi cu
5.6%. E indice di “Cuminda na cas” a conoce
un subida di 6.8%. E indice di “Fruta” a subi cu
45.8%, e subida di mas grandi entre e gruponan
di cuminda na cas, mientras cu e indice di
“Batata, yuca y batata dushi” a conoce e caida
di mas grandi cu 5.8%.
E indice di “Cuminda pafo di cas” a registra un
caida di 0.1% na Mei 2018 y a registra un subida
di 1.6% den e ultimo diesdos (12) lunanan.
Na Mei 2018, “Cuminda na cas” y “Cuminda
pafo di cas” como grupo, tawata tin un subida
di prijs di 0.2% compara cu April 2018 y hunto
tawata tin un influencia di 0.04 ppt riba e CPI,
mientras cu e restante bienes y servicio hunto a
experencia un subida