Page 15 - ROBERT CANDELARIA FLIP 12 AUGUST 2017

AWEMainta Diasabra, 12 Augustus 2017 17

Mini cancha deportivo pa DEN presencia di un grupo grandi di mucha

y adulto, Prome Minister Mike Eman hunto cu
Cura Cabay Zuid ta birando un realidad Edwin Tromp, Director di FCCA, a pone e prome
Prome Minister Eman a pone prome bloki pa fundeshi di e mini cancha di futbol banda

piedra pa cancha deportivo pa di e casnan di FCCA na Cura Cabay Zuid.
E mini cancha aki ta situa riba un area deportivo
casnan di FCCA na Cura Cabay Zuid cu ta bay wordo desaroya pa habitantenan di e
compleho residencial aki.
Diaranzon mainta tabatin un ceremonia riba e
tereno cu a wordo cumpra dor di FCCA pa desar-
oya e area aki pa su clientenan.

E compra tabata necesario, ya cu den e area mes di
e casnan no tabatin mas espacio disponibel. Edwin
Tromp, Director di FCCA, a splica cu desaroyo di
e proyecto aki ta algo cu e fundacion tin palabra
cu Gobierno for di aña pasa caba.
Pero a tarda dor cu mester a finalisa compra di e
tereno. “Awor cu e ta cla nos ta dal bay,” Tromp
a bisa.

Mini canchanan di futbol, cubri cu yerba artificial,
t’e vision di Prome Minister Mike Eman y su Go-
bierno pa wordo construi den diferente bario rond
Aruba. Ta proyectonan ta trahando riba nan pa
algun aña caba.

Esaki a wordo logra caba na Bushiri y Madiki, y
awor por bisa cu esun di Cura Cabay Zuid ta bi-
rando un realidad.
“Nos tabata kier p’e proyecto aki por a keda fi-
nalisa p’e muchanan por haci uzo di dje durante
vakantie grandi di scol, pero no a logra. Nos ta
spera cu e por ta cla hopi liher p’e muchanan por
haci uzo di dje durante herfstvakantie,” Prome
Minister Eman a bisa.

E mandatario ta super contento, pasobra e ta algo
cu su Gobierno a papia hopi di dje, no solamente
internamente, pero tambe cu FCCA. Hasta a
traspasa casnan cu ta cay bou di Gobierno pa
FCCA, y realisacion di prestamo, p’e fundacion
por haya mas entrada, pa di e forma aki por realisa
e pensamento di Gobierno pa brinda un mihor
calidad di bida pa ciudadanonan di e complehonan
residencial manera esun na Cura Cabay Zuid.

E proyecto aki, Eman a bisa, no solamente ta dirigi
riba e muchanan, ya cu ademas di e mini cancha
deportivo cu yerba artificial, tin un “exercise track”
cu por wordo uza sea pa cana of core. Tambe ta
bay tin machinnan di ehercicio, manera esnan cu
tin riba Linear Park.
“Nos a bin ta trahando pa prome logra un mihor
calidad di bida pa nos ciudadanonan, renobando
cas y barionan, construyendo areanan di recreacion
of di deporte.
Nos ta logrando esaki y den e siguiente Goberna-
cion ta sigui p’e siguiente plan, cu ta pa construi
complehonan residencial, treciendo un balansa pa
crea un comunidad cu ta biba y percura pa otro”.