Page 25 - MIN SJA 21 OCT 2015

Minister Paul Croes y FTA a reuni riba impasse laboral

Publication: Wednesday, 21 October 2015. Categoria: General

ORANJESTAD(AAN)—Minister di Labor drs.
Paul Croes a convoca un reunion cu Presidente di sindicato FTA y tambe representante legal di
FTA pa asina continua e dialogonan riba e cambionan den e leynan laboral.

Minister Paul Croes a mustra e sindicato un biaha mas riba su posicion como minister di labor pa
locual ta e cambionan cu a wordo discuti, y cu na momento cu esakinan bolbe di directie
wetgeving e lo presenta esaki na conseho di Minister.

Minister Paul Croes ta keda cu e inquietud cu un dunador di trabou actualmente por emplea un
trahador pa 6 of 9 luna por medio di un uitzendbureau, sin cu e trahador tin seguridad di trabou,
y por wordo kita di un dia pa otro.

Cu e cambio cu e kier propone e propio trahadornan aki por via un contrato directo pa mesun
periodo tin mas seguridad di trabou. Minister Paul Croes a mustra FTA cu su meta ta pa haya
mas hobennan riba e mercado laboral. FTA tambe ta kere cu mester trata na pone mas hobennan
na trabou.

HUBENTUD: E desempleo bou di hubentud ta 22.8% cu ta representa 1250 hoben sin trabou.
Hobennan cu ta termina nan estudio no ta haya oportunidad manera mester ta. Cu e cambio di
ley, e hobennan pa un periodo mas largo (cu 2 luna) lo por demostra nan calidad y talentonan.

50-PLUSSERS: otro grupo cu dificilmente ta haya trabou pa motibo di nan edad, ta esnan riba
50 aña.

BIJSTANDTREKKERS: Tin hopi dunador di trabou cu a mustra cu e periodo (2 luna) pa evalua
un hende cu tin 4 of 5 aña sin traha ta mucho corto. Cu un contrato di 6 of 8 luna, un compania
por evalua e trahador aki miho, y e trahador por demostra su calidadnan miho.

PERSONANAN CU LIMITACION: Igual pa e grupo aki, Minister Paul Croes ta mira cu
contratonan corto lo por yuda e grupo aki yega na un trabou. Ta un grupo cu dificilmente ta haya
trabou, pa motibo cu despues di 2 luna, e doño di trabou ta basicamente mara na e empleado aki
pa semper.