Page 47 - Djaweps 12 yuli 2018.pdf
P. 47

Djaweps 12 Yüli 2018                                                                           47
        For di kolekshon di René Levy Maduro i Debora Maduro-de Vries
               Eksposishon ‘Divine Inspiration;

       in awe of Mordechai Rosenstein and others’

      WILLEMSTAD. - Djárason 11 di yüli 8 ‘or di anochi Sra. Lucille George-Wout, Gobernador
      di Kòrsou a hasi apertura di e eksposishon ‘Divine Inspiration; in awe of Mordechai
      Rosenstein and others’ na Landhuis Bloemhof. E eksposishon ta konsistí prinsipalmente
      di litografia inspirativo di e artista hudiu Mordechai Rosenstein. E artista akí a desaroyá
      un abilidat pa duna bida na tekstonan bíbliko, hasiendo uso di un kombinashon di
      kolónan yamativo ku ta realsá bunitesa di e lèternan di kaligrafia Hebreo. E manera di
      traha akí ta agregá un dimenshon masha spesial na su trabou. Rosenstein su obranan
      di arte ta konosí na diferente parti di mundu.  E eksposishon úniko aki lo ta habri te
      ku 11 di ougùstùs benidero na Bloemhof. E orarionan di e eksposishon ta di djamars te
      djasabra di 9’or di mainta pa 2’or di mèrdia.
   42   43   44   45   46   47   48