Page 12 - KPA

Choller ta horta auto Yaris y no tawata sa

cu tin un baby di 3 luna den dje

2 mins ago 0 0 Views

Oranjestad -Diabierna pa mas o menos 9’or y 45, polis ta manda un patruya den Boliviastraat na altura di
ex Aqui me quedo pa un situacion un poco straño, un señora a yama bisa polis cu un persona desconoci
lo a subi den su auto y a bay cu su auto y su baby cu tabata aden e auto.

Na yegada di e prome patruyanan, un señora lo a baha for di su auto y un desconoci a subi den su auto,
un Toyota Yaris color preto A 70681, e baby mucha muher di tres luna di e señora tabata den e auto.
Mesora a cuminsa un buskeda pa e auto aki y a pidi pa presencia di slachtofferhulp pa asisti e señora den
su desesperacion.

Dilanti Colegio Arubano den Vondellaan, un patruya di polis ta topa cu e auto aki y ta mira e conocido
adicto ambulante yama Machete tras di stuur, mesora ta cuminsa un persecusion, cu ta bin caba un poco
panort di veld di Marlboro, den Pedro Gallegostraat. Na momento cu e patruya a bay para e auto, e la dal
den e auto y asina a logra para e auto aki y mesora a detene e conocido di polis “Machete”.

E baby no tabata den e auto mas y Machete ta bisa polis cu ela laga e baby dilanti un porta di un
apartamento den Dr. Henriquezstraat. Mesora un patruya di polis cu tabata cerca a bay na e sitio y
enberdad a bin topa cu e baby di apenas 3 luna, canto di un porta di un apartamento pero menos mal cu
Machete a laga e baby den sombra fresco.

Polis mesora ta hiba e baby warda di polis na oranjestad y a pidi pa personal di ambulance haci toch un
checkeo medico cu e baby.

Machete a keda deteni y transporta pa warda di polis Santa Cruz unda e lo mester bolbe bay duna cuenta
di su actonan. Machete ta un adicto ambulante cu constantemente ta keda deteni y despues di dos dia e
ta bek riba caya. Ban spera e biaha aki Si nan baha duro riba dje y tene pa basta tempo warda y asina
evita pa e sigui haci mas fechoria riba caya.