Page 33 - MIN.MIKE MEZA FEB 20,2015

Parlamentario Sr. Jeffrey Kelly: Parlamento a reuni cu
Ministernan di Energia y Medio Ambiente

Thursday, 19 February 2015 14:50
Comparti

E tema di dump ketobai tin hopi atencion den nos comunidad y Parlamento a reuni pa scucha di
Ministernan Sevinger y de Meza kico e plan di accion y solucion lo por ta pa e area di Parkietenbos.

Dump na parkietenbos

E dump aki pa hopi aña ta conoci como un luga caminda ta tira tur tipo di sushi. Ultimo tempo a surgi
cierto problema pa motibo di kimamento di sushi riba e area aki. Trahadornan di Serlimar cu ta traha
riba e area aki a hayanan confronta cu un situacion caminda cu nan ta asta wordo intimida pa hendenan
cu ta tira sushi y purba di kima esaki. Gobierno a splica cu un di nan metanan pa futuro ta pa elimina e
dump aki y ta buscando alternativanan.

Cooperacion

Aki mester fiha mirada riba e beneficionan di un cooperacion entre Serlimar cu Ecogas. E ultimo aki ya ta
operando un planta caminda cu sushi ta wordo procesa y asta ta bai asina leu cu ta proporciona Web cu
gas. E intencion ta pa deshaci di nos sushi na un costo mas abou cu ta posibel y na un manera resposabel.
Reciclahe ta e manera mas miho pa hasi esaki. Prome cu yega asina leu Gobierno di Aruba mester caba di
hasi diferente investigacionnan pa determina kico ta factibel y por wordo materialisa pa brinda un
solucion pa e problemanan existente.

Baha gasto

Segun informacion cu Minister Sevinger a trece dilanti nos por a conclui cu ora bo ta paga pa servicio di
procesa sushi e ta sali bo mas barata cu si Gobierno bai cumpra ekipo pa hasi
esaki. Actualmente Ecogas ta procesa 30 por ciento di sushi
na Aruba y ta riba bon caminda pa un dia yega asina leu di por procesa 100 por ciento di e sushi cu Aruba
ta produci y mas cu esaki. Baha gasto energetico y contribui na medio ambiente ta loke Gobierno tin
como meta. Aruba a sa di demostra cu nos ta inovando riba e tereno aki y cu nos ta bayendo den
direccion di energia cu ta wordo produci via biento, solo y “waste to energy”.

Hunto nos mester yuda contribui na nos medio ambiente. Nos mester ta mas conciente y educa nos
yiunan cu sushi ta wordo tira den bari di sushi of na un lugar apunta pa departementonan concerni y no
banda di caminda of den mondi. Asina so nos por tin un isla limpi, evita e acumulacion di dumpnan
illegal y yega na procesa desperdicio na un manera responsabel.

Comentarionan (1)

Mustra/Kita comentarionan