Page 43 - EXTRA 16JAN,2016

Djasabra 16 Yanüari 2016 43

...Segun minister Richard Gibson Ulanda tambe ta
pensa meskos...

KORSOU TA TARDANDO

REPARTISHON BIENES ANTIA
WILLEMSTAD.- Na St. tiki kontentu ku Kòrsou ta e proseso di repartishon di
Maarten nan no ta niun tardando sin ta na nodi ku bienes i debenan di pais
Antia.

Minister Richard Gibson
den un rueda di prensa
e siman aki a kuestioná
e desishon di su kolega
José Jardim pa bin ku
preguntanan adishonal riba
e rapòrt ku Komishon Metry
a traha.

E kos aki ta tarda e
proseso innesesariamente
e titular di Finansas di St.
Maarten a bisa.

Segun minister Gibson
Ulanda tambe ta pensa
meskos ku Philipsburg.

El a konfirmá ku tin
promesa konkreto ku lo
usa parti dje fondonan
ku St. Maarten haña den
repartishon di bienes di
Antia pa su presupuesto
2016 i esei ta pone ku nan
no ke mas tardansa.

Richard Gibson a splika
ku Kòrsou ke reevaluá balor
ku Komishon Metry den
su rapòrt a duna na sierto
propiedatnan inmóbil na
Kòrsou.

Minister José Jardim a
bisa resientemente, entre
otro den e korant aki ku a
pone un etikèt di preis di
80 mion florin na Sentro di
Detenshon i Korekshon di
Kòrsou siendo e balor real
ta 40 mion.

Metry den un reakshon
na EXTRA a splika ku e
komishon no ta esun ku a
balorá niun propiedat, ta e
taksadónan a hasi nan parti
i entregá nan rapòrt na e
komishon.

Minister Jardim mas
aleu a deklará ku Komishon
Metry a hasi un bon trabou
i a produsí un bon rapòrt,
solamente tin pregunta riba
balor di sierto propiedatnan
inmóbil.

Manera indiká Mr. Faroe
Metry por sierto tabatin
un reakshon fuerte riba e
posishon di minister dr. José
Jardim.