Page 21 - flip min.on
P. 21
Accion di firma a start pa exigi SKOA stop e schoolgeld di
250 Florin
Publication: Monday, 16 March 2015. Categoria: General
ORANJESTAD (AAN): E siman aki, un carta a cuminza circula rond di Aruba, unda mayornan
ta pone nan firma. E accion di firma aki tin un solo meta: Exigi di Fundacion SKOA pa pone un
paro inmediato na e aumento di schoolgeld di 250 Florin.
E carta ta indica: “Nos, mayor di un of mas yiu cu ta y/of lo bishita un school primario y/of un
school basico y/of un school secundario di S.K.O.A., ta opone contra e aumento drastico y
inhusto di e pago escolar pa aña escolar 2015 – 2016, lo no paga esaki y ta exigi pa S.K.O.A.
retira su exigencia (1) di 250 Florin pa pago escolar y (2) cu esaki mester sosode den e siman di
23 pa 27 di maart venidero.”
“Den carta, fecha 6 di maart ultimo, number 2015-00097, topico: “aclaracion riba topico di pago
escolar y subsidionan paga door di Gobierno”, Directiva di S.K.O.A. ta indica cu e pago atrasa di
500.000 Florin di 2014 so no ta soluciona e situacion financiero precario debi cu Gobierno di
Aruba mester cumpli cu:
(1) E pagonan atrasa di e 10% restante di subsidio basa riba e cuentanan anual cu a worde
entrega caba na gobierno (1998-2010);
(2) Un ahustacion di e suma cu SKOA ta ricibi di subsidio pa 2015 bay dilanti;
(3) E pago completo pa su trahadornan di limpiesa (werksters).Anualmente SKOA tin cu aporta
rond di 400.000 Florin pa por cubri e gasto real di su trahadornan di limpiesa (werksters) cu den
SKOA su punta di bista mester worde subsidia completo.
No ta husto cu Directiva di S.K.O.A. ta cobra nos loke ta responsabilidad di Gobierno.
Conforme Tratado di Derecho di Mucha di UNICEF, firma pa Reino Hulandes riba 20 di
November 1989 y ta stipula den Constitucion di Aruba y tambe den tres Ordenansa Nacional di
school primario, basico y secundario, enseñansa primario ta worde subsidia door di Gobierno.
Nos ta exigi pa e contribucion di mayor keda manera e ta y Directiva di SKOA busca otro forma
pa ricibi su derecho.
Esnan cu tin e accion di firma aki, ta spera di ricibi un contesta positivo pa dialuna 23 di maart
venidero.
http://www.diario.aw/2015/03/accion-di-firma-a-start-pa-exigi-skoa-stop-e-schoolgeld-di-250-
florin/
