Page 20 - Awemainta

20 AWEMainta Diabierna, 4 December 2015

Lama ta blou y salo

Pa: Tacamahaca

PALABRANAN di mi defunto tata ora e yega tera cu

su boto sin a mata niun pisca. E palabranan aki ta apli-
cabel tambe riba e hendenan di Aruba cu no ta lanta pa
proteha nos flora y fauna.
Hopi t’esnan cu ta critica manifestantenan cu si ta sali
na defensa di naturalesa.
Otro ta grita pro riba fb, pero ta keda tiger di papel.

Tacamahaca ta bin ta protestando bou Gobierno di MEP
y bou AVP contra destruccion di naturalesa pa hopi aña.
Gobierno di MEP a entrega Hudishibana pa construccion
di Ritz Carlton. Mi tabata eynan protestando.
Gobierno di MEP a destrui nos manglonan na Manglo
Halto pa traha algun cabaña. Y mi a scirbi varios articulo
den prensa contra esaki.

Na Aruba tur cos mester ta den esfera politico; si e Go-

bierno cu bo ta gusta kibra naturalesa bo no ta lanta paso bo ta apoya nan.

Y si bo Gobierno enemigo rosa mondi si bo ta core lanta. Ta tristo pa bisa, pero mayoria
di e hendenan na Aruba no tin ningun clase di educacion riba medio ambiente ni a
hereda amor pa nos naturalesa di nos bieunan, sea pa lama y/of pa cunucu.
Y mayoria stichting pa proteccion di naturalesa tey djis pa saca probecho personal y
sigur awor cu tin un puesto di Gobernador pendiente.

Ningun stichting a protesta prome cu
a duna permiso di construccion, tur a keda keto,

wardando nan premio of condecoracion.

Benny Sevinger, sin ningun berguensa, a bay gaña publicamente na un audiencia
internacional na Paris con bon nos ta cuida nos manglonan na Aruba. Mientras t’e
mesun Benny a duna e compañia Colombiano ODINSA permiso pa corta e manglonan
na Spaans Lagoen.
Ademas, no ta conbeni Gobierno di AVP y Parlamento pa pasa ningun ley di medio
ambiente pa formalisa proteccion di nos manglonan incluyendo un MER como exi-
gencia.

Pasobra tin hopi mas destruccion di flora y fauna na caminda cu construccion di e
hotel na Isla di Oro y 400 cas na Burunbundu. Tog lama lo sigui ta blou y salo.