Page 32 - Awemainta
P. 32
32 AWEMainta Diabierna, 4 December 2015
Awe diabierna y diasabra PARTICIPANTENAN actual den
tiendanan den Caya Grandi cu orario extendi
e Oranjestad Business Improvement
Bazaar den Caya Grandi e District (OBID), ta anuncia na pueblo
fin di siman aki cu bishita di di Aruba cu e fin di siman aki ta uno
Sinterklaas y PARKEO GRATIS hopi grandi den Caya Principal G.F.
Betico Croes. Anochi di Compras,
oferta y ambiente fabuloso, ademas
di e presencia di Sinterklaas y parkeo
gratis, ta djis algun di loke ta prepa-
rando p’e fin di siman aki, y tambe
otro fechanan clave den luna di de-
cember.
Comerciantenan di Caya Grandi
hunto cu funcionario y boluntarionan
ta trahando p’asina ofrece na ciudada-
nonan di Aruba e mihor ambiente di
compras pa fin di aña.
P’e fin di siman aki, tur cos ta drai
rond di e tradicion di Sinterklaas. Pa
duna chens na haci compras, tien-
danan ta keda habri diabierna 4 di
december, te 7’or di anochi y diasabra
5 di december, te 8or di anochi.
Ta bon pa recorda cu riba ambos dia
no tin mester di paga parkeermeter.
Parkeo ta gratis durante henter dia pa
comodidad di tur esnan cu ta bin haci
nan compras.
Tene na cuenta si cu esaki ta conta
solamente pa parkeervaknan cu liña
blanco y no mag di para auto riba
asera of otro lugarnan prohibi.
P’e bishita special di Sinterklaas, e
programa ta cuminsa pa 2’or di atardi.
E Homber Santo y su Zwarte Pietnan
lo tey den Caya Grandi pa cuminda
tur e mucha chikito y muchanan mas
grandi cu ta bon mucha.
Nan ta bay reparti hopi mangel y
tambe por probecha pa saca potret.
Pa Sinterklaas por tin tur e espacio
cu e mester pa cuminda e muchanan,
AruTram ta bay interumpi su servicio
entre 2’or y 4’or di atardi.
Muchanan di Scouting Aruba tambe
lo tey pa realisa actividadnan. Ainda
tin mas sorpresa den preparacion.
Comerciantenan ta preparando tam-
be pa pone nan mesanan pafo cu e
mihor ofertanan net na tempo p’e
temporada di dianan di fiesta.
Bin probecha di busca loke abo tin
mester pa bo mes of pa bo cas, n’e
mihor prijs riba henter e isla.
