Page 35 - MIN VOS

AWEMainta Diamars, 8 Augustus 2017 25

Master Eric Barry ta preparando pa

campeonato mundial di Taekwondo na Egipto

DEN fin di siman Master Eric Barry di San Nicolas Taekwondo
Center tabata train su mes p’e campeonato mundial di Cadet na
Egipto.
Master Eric Barry a wordo invita pa World Taekwondo Federation
p’e por fungi como referee internacional n’e tercer campeonato
mundial di Cadet cu ta bay tuma lugar e aña aki na Egipto.
E mundial di Cadet aki ta muchanan di edad di 12 pa 14 aña.
Master Eric Barry ta sumamente contento di por fungi como referee
internacional na un campeonato mundial.
Semper Master Eric Barry a fungi como referee na campeonatonan
di G1 y G2 cu ta campeonatonan Open, pero awor el a wordo in-
vita pa fungi na un campeonato mundial y ta un oportunidad cu
no ta bin tur dia.
Master Eric Barry kier ta den top como referee y den e dianan aki
e ta usa su alumnonan p’asina train su mes p’e demostra na mundo
henter cu na Aruba tin bon referee y cu sa con pa fungi como referee.