Page 4 - Min.Jus Feb 18, 2015

Diarazon Februari 18 2015 Pagina 9

Atraco arma ariba Wei Pau Supermarket

Atraco a bolbe lanta cabes
na Aruba. Constantemente
por tende noticia di atraco
tur caminda. No mucho dia
pasa un Chines a wordo tira
den cabez. Tabata Dialuna
anochi cu un otro atraco
arma a tuma lugar na Caya
Danza.

Un atracador cara tapa
cortico y gordo a drenta
e supermarket aki, y ta
exigi placa. Despues e ta
bandona e sitio den un Kia
Picanto, den e huida e ta
dal un Toyota Yaris y sigui
bay. Esey a pasa dilanti
Texaco Sasaki. E atracador
ta logra bay cu 200 florin.

Polis y atraco team a wordo
notifica.

E situacion na Aruba ta
keda bira mas peligroso
dia pa dia y Gobierno no
tin plan con pa controla e
criminalidad.

Dos detencion despues
cu a haya droga den
auto

Dialuna anochi 9’or pasa Polis di San Nicolas a bay Sabana Basora Noord,
caminda tiro a ser scucha. Durante e control a topa cu un grupo di mucha
homber. Den e grupo tabata e conocido di nan W. cu un rato prome a
ser bisa cu el’a sali cu un flatscreen for di mondi. E tabata cuadra cu e
descripcion cu Polis a haya. Despues cu mas a patruya a yega na e sitio
nan a fouilleer e grupo di hobennan. Den un tas di e conocido W. nan ta
haya algun joyas, den un auto caminda cu W. y su amigo tabata, den tambe
a ser controla, cu permiso di e doño.

Ey tambe a haya dos tas aparentemente cu basta marihuana. Asina e
conocido W. y su amigo a keda deteni y e auto confisca.