Page 13 - KPA 30 NOV 2015

Esaki ta algo cu ta papiando cu polis. Locual tin di compronde polis ta mas cu motiva pa step
back riba e tereno di dalmento di auto, pa nan haya mas tempo tambe pa concentra nan mes riba
cosnan hopi mas importante den nos comunidad. Ora ta completamente cla, conhuntamente cu
polis lo sinta na mesa y comunica na Aruba en general cu esaki ta bay pasa y ora tin dalmento di
auto ta e stapnan aki tin cu wordo tuma.

Esaki ta un plan cu tin intencion pa cuminsa impliment’e na 2016. No lo straña cu desde Januari
caba lo cuminsa cun’e. Tin awor aki 4 compania cu ta traha cu Forensys. Tin dos compania ainda
no, pero tin confianza cu gran parti lo join cu tin e mercado casi completo cu ta traha cu
Forensys. E no ta un obligacion cu tur compania mester ta un mesun plataforma, pasobra e
compania cu no ta riba e plataforma, ta nan tin cu percura cu nan ta manda nan mesun
expertonan ora tin dalmento di auto. Forensys ta bay toch. Ta 100% dalmento di auto Forensys lo
t’ey. Wowonan di compania t’ey, Frankel a enfatisa, y asina por regla daño.

E ta un sistema eficiente pasobra Forensys lo percura pa e siguiente mainta e companianan di
seguro tin tur dato den nan inbox. Nan por cuminsa regla e daño e ora. Ta pa e cliente e ta un
beneficio masha grandi mes.

Na Corsou a cuminsa cu esaki caba. E ta trahando pa 15 aña na un sistema masha bon mes. Den
otro parti den e region, tambe nan ta trahando asina aki. Ta un sistema cu a prueba su mes caba
cu e ta sumamente eficiente pa e cliente, eficiente pa e compania di seguro, pasobra nan ta saca
potret, tuma informacion y nan ta cla, segun Frankel. E ta algo cu nos tin cu considera pa
cuminsa cun’e muy pronto.

http://www.diario.aw/2015/11/intencion-ta-pa-ora-tin-dalmento-di-auto-polis-no-tin-nodo-di-
presenta-mas/