Page 23 - MIN JUS 9 DEC 2015

E Bouncernan a bay yuda e turistanan riba caminda cu a
wordo ataca pa e malbadonan

Publication: Wednesday, 9 December 2015. Categoria: General

Abogado Chris Lejuez cu detayenan riba e caso

ORANJESTAD(AAN): Mr. Chris Lejuez ta
consehero den e caso di esnan cu ta hiba e maneho di Olde Molen. Tabata tin un situacion cu a
presenta. E luga ta den un luz negativo na e momentonan aki.

Segun abogado Lejuez, tin entendi for di e gerencia di Olde Molen cu e marduga tabata tin un
paar di persona cu tabata na otro establecimento, esta na MooMba Beach, cu tabata causando
problema y hasta a yama polis pa nan. Despues nan a bin na Olde Molen. Nan tabata den e
establecimento di Olde Molen, eyden mes no a causa ningun problema.
Dado momento e luga ta cera pa 3’or di mainta. E personanan aki a bay para na e otro banda di
caminda, esta banda pazuid, cu ta core dilanti di Olde Molen. Nan a para eynan cu un grupo di
persona y no tabata tin problema na e momento ey. E luga Olde Molen mes a cera debidamente y
polis a pasa, nan a wak si e luga ta cera y esey a worde cumpli. No tabata tin ningun problema y
polis a sigui su caminda.

Un rato despues, ainda tabata tin un paar di security guard para pafo, banda di e Olde Molen. E
ora ey a ripara cu tabata tin algun turista, Segun nan, cu a dicidi di cana riba e caminda dilanti di
Olde Molen pa bay hotel, bayendo direccion p’abao.

E grupo di persona cu tabata na otro banda di caminda, a ataca e tres turistanan aki y e security
guardnan a mira esey y nan a bay yuda e tres turistanan aki. Ora nan a yega eynan dos di e
turistanan a core bay y un di nan a worde seriamente maltrata door di e grupo di persona aki. E
ora ey a cuminsa un pelea entre e security guardnan di Olde Molen, cu eigenlijk ya a caba di
traha y e personanan cu tabata na e otro banda di caminda.

Nan a logra en todo caso di hala e turista aki, kende tabata mal matrata, cu despues a bay para na
hospital, kite for di riba caminda y pone riba acera dilanti di Olde Molen. Ora cu esey a sosode,