Page 13 - MIN SJA 9 DEC 2015

AWEMainta Diaranson, 9 December 2015 29

ng a enfoca riba reciclahe

E aña aki, Divi Aruba Phoenix Resort a bin cu un idea original
y positivo. Gerente General Gerrit Griffith, den colaboracion
cu su hefenan di departamento, a dicidi di reta tur empleado
y presenta nan cu un concepto dibertido, un competencia di
decoracion di departamento, den spirito di e temporada di
fin di aña, enfocando riba materialnan 100% recicla.

Diarazon, Griffith tabatin e placer di por guia nos prensa local
dor di e 6 departamentonan di e resort cu a wordo decora
na un manera fenomenal, incluyendo housekeeping, engi-
neering, food & beverage, front office, sales y landscaping.
Cada departamento a bin cu estilo, tecnica y materialnan
original, y a dedica e ultimo 6 simannan na ehecucion di
nan plannan ambicioso.
N’e Departamento di Housekeeping, panchinan bieu a ricibi
tratamento individual, transforma den decoracionnan bri-
yante di fin di aña.
Boter y tapadera di plastic, roll di papel di wc, pida di car-
ton, napkin di papel y bleki di aluminium a transforma den
decoracion y center piece tradicional di Pasco sin cu nan
mester a gasta hopi placa.
Un stal di Pasco grandi y hopi detaya a wordo agrega n’e
decoracion, cu klechinan bieu tiña rondonando e stal.

Na Departamento di Engineering, un Santa Claus grandi
den coverall di trabou y Pasco, sinta den un stul di playa, a
disfruta di un kerstboom unico adorna cu partinan mecanico,
variendo di remote control descarta te cu herment bieu y
caha bashi.
E contenido di e fondonan di e lachinan den Departamento
di Engineering a haya un facelift, un capa di verf, y a bira
bunita decoracionnan di Pasco.
Mientras cu Front Office a enfoca riba detaye chikito y el-
emento sorprendente, Departamento di Landscaping a pensa
grandi, yenando klechi di cusinchi bieu cu santo y creando
un grupo di popchi di sneu riba e hardin dilanti e playa, un
oportunidad pa saca potret tan aprecia dor di e huespednan.

E competencia di team building, segun splicacion di Griffith,
a wordo crea p’asina miembronan di staff trahando varios
warda por a traha hunto ainda riba e decoracion general
di nan departamento. Esaki a resulta den un ambiente cre-
ativo, cu sostenibilidad den mente, na honor di e temporada
benidero di fin di aña.
Prensa a wordo invita pa un tour riba diarazon, mientras cu
diabierna, 4 di december, un cuerpo di hurado a bishita e
departamentonan y a selecta e ganador general.
Nos ta aplaudi e iniciativa di e gerente y ta aprecia e concepto
y miembronan di staff cu a sostene esaki.