Page 3 - KUSTWACHT

AWEMainta Dialuna, 9 October 2017 17

Polis Maritimo a planta respet den nos awanan teritorial

A logra confisca mas di 30

boei y varios palamber di

piscadornan Venezolano

MIENTRAS na Aruba, nos mes hendenan ta sigui combati
nos piscadornan, Venezolanonan ta sigui pisca den nos awanan
teritorial.
Asina ayera, Polis Maritimo ta haya informacion di Kuststation cu
algun piscado local ta piscando ongeveer 9 mila pazuid di Aruba
y ta mira algun boto Venezolano ta piscando y tira palamber den
nos awa teritorial.

Polis Maritimo a cuminsa prepara y a yama RCC Curacao pa
controla via radar si e botonan aki ta den nos awa y si por guia
Maritime Polis n’e posicion.
RCC a controla y a resulta cu net e boto nan a cuminsa move
bay bek zuid pa drenta awanan di Venezuela. A keda monitor
nan movecion.

Pa mas o menos 11:30 RCC a informa bek na Polis Maritimo cu
actualmente nan ta wak e botonan Venezolano a bolbe bek den
awanan di Aruba direccion e posicion nan cu probablemente a
tira e palambernan.
Polis Maritimo a sali mesora y RCC a guia nan p’e direccion y a
trata di contact nan.
Yegando serca Polis Maritimo a constata hopi boei ta drief y tur
tin otro color y bandera.

Tabatin 2 boto Venezolano n’e sitio. Ora nan a wak boto di Polis,
nan a bay full speed zuid direccion awanan di Venezuela.
Polis Maritimo a persigui tur 2 boto duna na signal pa para, pero
e botonan aki no ta para ni sigui ordo di Polis.

Den 1 boto Polis a wak 4 persona. Nan tabata busca obheto duro
y te hasta 1 a coy cuchiu pa prepara p’e Polisnan ora di aborda
e boto. Despues di algun minuut di persecucion RCC ta informa
Polis Maritimo cu nan ta bay drenta awa di Venezuela.
Na un distancia Polis tambe a wak Guardacosta Venezolano cu a
bin direccion e boto di Polis. Dor cu e botonan aki a logra drenta
awa di Venezuela, nos por a sigui persigui nan.
Polis Maritimo a bira bek y bay direccion di e palambernan, cu
si a keda den nos awa.

Dor cu ningun boto Venezolano kier a para responsabel p’e pis-
camento ilegal den nos awa territorial Polis a saca tur e palam-
bernan di laman.
For di Di 11:45 te 16:00 personal di Polis Maritimo a keda saca
liña y boei di awa. A coy total mas di 30 boei cu liña y algun
mester a corta.
Con bin no a notifica Guardacosta, p’asina planta mas respet,
pasobra e solo hecho cu un di e piscadornan a prepara cuchiu pa
por si acaso Polis aborda un di e botonan aki, por nifica cu nan
lo sigui bin prepara den futuro pa confronta Polisnan Maritimo.