Page 81 - MIN TTC 6 APRIL 2016

ta loke kier pa tur departamento di gobierno. E sesion di diamars ta pa haci un serie di pregunta, no
tabata un reunion publico. Lo bay bin cu mas instrumento pa parlamento, segun Herde. Nan kier bin cu
loke ta yama spoedebat. A corto plazo ta yama e minister riba un tema specifico, no henter un
presupuesto, pero specificamente riba un tema y cu un paar di hende, no henter parlamento, ta debati cu
e minister riba e tema. Awendia informacion ta bay hopi mas lihe. Hopi informacion via Facebook, via
internet, via twitter, hopi mas lihe cu prome ta sali afo. No por warda pa corant of pa radio of television.
Hende kier’e mesora y for di su responsabilidad di haya splicacion, di haya transparenca completo riba tur
cos cu ta toca nos pais, ta haya cu falta instrumento y e instrumento aki, lo uza. Oposicion no kier. Nan a
haci un serie di 20 pregunta por escrito. Nan no tabata kier pa e minister contesta nan, cual ta straño. Nan
kier haya e e contestanan skirbi. Nan lo bay haya nan. Ta sigur cu e minister tin cu contesta nan. Loke ta
straño cu mientras kier transparencia, minister ta den parlamento y transmiti via radio y television y toch
oposicion ta bisa e minister cu no mag di contesta e preguntanan. Tur fraccion tabata tey presente.
Fraccion di PDR tambe a haci pregunta, fraccion di AVP, cu a yama e reunion y minister pa duna
splicacion y fraccion di MEP cu a haci preguntanan por escrito y no contesta nan. Ta un pensamento tiki
straño si, segun e parlamentrio. Ta exigi transparencia y ora cu e minister tey, por haci’e tur pregunta of el
a bisa cu e kier contesta, anto ta bis’e cu e no mag contesta. AVP mes a keda contento cu e contestanan cu
nan a haya. A haci mas pregunta riba e contestanan, specialmente riba e hecho cu por ehempel e contract
a wordo cambia na caminda y minister a splica cu esaki a sosode pa no un compania so, pero pa mas
compania por haci uzo di e logo y den e cifranan cu a haya, ta wak cu apenas un 27% ta bay pa e compania
cu a gana e bid, ta haci uzo di dje y otro 73% otro companianan na Aruba pa haci uzo di e logo pa benta
comercial di e productonan cu ta haci uzo di e logo, Herde a finalisa.

Democracia Real a keda cu mas pregunta cu el a haya
contesta durante vragenuurtje cu minister di turismo

Tuesday, 05 April 2016 20:22

Tabata tin un vragenuurtje den parlamento y e tema tabata e desaroyonan rond di e maneho di ATA,
minister di turismo, logo, contratonan, etc. Parlamentario Andin Bikker a comenta cu e tematica aki ta
merece hopi mas atencion cu djis un vragenuur.

Segun e parlamentario, un vragenuur ta algo cu un persona, un miembro di parlamento tin derecho di
haci pregunta y e tempo ta limita. Ta haci e preguntanan, djeynan e minister ta contesta. Despues di un
pauze mas chikito pa haci pregunta. Cada miembro di parlamento riba e tematica por bay un minuut y ta
hopi poco, contemplando e embergadura aki. A haya poco documento pa wak, cu tambe mester a core,
lesa nan wak kico ta kico y djeynan, Bikker a haci su preguntanan, pero por bisa cu riba e tematica aki ta
desea di haya un reunion publico of otro tipo di intercambio, pasobra un vragenuur ta hopi limita,
mirando e magnitud di e tematica. Hopi interogante a keda. No ta tur cos e minister a contesta y no ta
haya chens tampoco pa bisa e minister cu tin vraagpunten cu sea e no a conteste completo of no a
conteste. Di parti di PDR a keda cu mas pregunta cu nan a haya contesta. For di e speedreading cu PDR
kier a haci, a ripara cu por ehempel, a bay un tipo di destaho publico, si el a bay conforme di e landsbesluit
openbaar aanbestedingen, sa esey y no por a haya contesta specifico bon. Segun Bikker, un procedura a
bay cu e minister tabata tin un compania bao di su nomber y di un persona yega na dje, nan a desolve na
2009 y diripiente otro eenmanszaak pa un otro persona yega na dje, a lanta, e persona aki a gana e