Page 4 - POST ARUBA 27 FEB,2016

postkantoor, cu a wordo geschorst. Si sa cu tin algo ta andando na postkantoor y SADA mes lo tira
bista riba esaki y kico lo ta e desaroyonan.

Esun cu a saca e noticia mester para responsabel pa e noticia. Segun Maduro, ta jammer pa mira
cosnan cu ta sali den prensa cu no ta cuadra cu realidad. Ta spera cu e dunado di trabao ta sali y
desbarata esaki. Pero ta jammer, pasobra e ta trece un luz negativo atrobe riba Cuerpo. Ta trata di
tin nomber di Douane den halto. Ta encurasha e coleganan pa semper keda integro na pia di
trabao, pasobra a huramenta pa e trabao aki y aki ta haya, mescos cu a haya cu e director tin hende
na cas pa cierto cosnan cu posiblemente por a haci, ta haya cu e por a sali na mesun momento pa
desbarata esaki y busca fondo ken a publica esaki. Post NV no ta esun yama pa duna declaracion
riba douane, pero no sa ken a duna e informacion aki na prensa. Maduro ta spera cu lo por haya sa
esaki y cu director por saca afo ken a pone e informacion aki den prensa, Maduro a finalisa.