Page 29 - FDLP

cu su clasificacion Olimpico hubenil y e mundial na Spaña bou guia di Jesus Tortosa

kende a guia nos atleta elite Monica Pimentel na Rio 2016.

Despues hunto cu coach Teo Rodriguez a biaha pa Tunesia unda ambos competencia a

tuma lugar. Den tur dos competencia, Chiara a laga Aruba su nomber graba mirando cu

tur atleta y coachnan di otro pais a felicite pa su tremendo prestacion. Mester bisa cu

hasta Chiara a haya un invitacion pa bringa na Canada.

Den e mundial di taekwondo, Chiara Petrocchi ta habri e torneo ganando su prome pelea

na Tunesia. E atleta prospecto di Aruba ta gana Ngalobo di Republica Congo 25 – 4.
Despues Chiara ta sigui cu e racha di victoria unda e ta gana su di dos pelea contra di e

number 6 clasifica esta Nehami di Suiza, den e siguiente ronda tambe e atleta prospecto

di Aruba ta mira triunfa unda e ta derota Turkia. Den e ronda di ultimo ocho. Chaira

Petrocchi ta cay venci 23 – 21 contra di Vietnam cu a lo largo ta keda como e campeona

y asina pone cu Chiara ta keda na di 5 lugar di mundo den e mundial di taekwondo na

Tunesia.

Sin duda esaki ta un tremendo presentacion di e hoben atleta di Aruba. Nunca antes un

atleta di taekwondo no a yega asina leu den un mundial. Pabien Chiara Petrocchi, Aruba

ta super orguyoso dibo.

Cumprando weganan di Lotto, e Loteria di Aruba manera Catochi, 1-Off, Big 4, Zodiac,

Wega di Number Korsou, Lotto di Dia, Lotto 5, Mini Mega cu su Mega Plus y e diferente

weganan di Raspa Y Gana bo ta contribui na deporte riba nos isla. Meta di e fundacion ta

pa organisa loteria, cambia bida di su hungadonan y na mes momento inverti den deporte

local pa medio di donacionnan na e Stichting Sportsubsidie Aruba.