Page 34 - DESPA

e proyecto y a guia e proceso ta na e firmamento di e

protocol.

E cuido informal den famia ta un balor grandi den e

comunidad di Aruba. E gran mayoria di hende ariba 60 aña

ta desea pa biba na cas, hopi biaha cu sosten di famia. E
desaroyo economico y demografico durante e ultimo 35 aña

a trece cu e cuido den famia ta mas y mas bou presion. E

cantidad di hende ariba 60 aña ta subiendo, mientras cu e

famia tin menos tempo pa yuda cu e cuido den famia. Na e
mesun momento e deseo y disponibilidad di e famia pa yuda

tey ainda y mester haci tur cos posibel pa conserva esaki.

Pesey den e siguiente añanan lo mester haci mas esfuerzo pa

sostene e cuido den famia y e cuido na cas.

E cooperacion entre Hospital, SABA y Wit Gele Kruis ta

enfoca ariba educacion di e cuidado informal na cas. Durante

e siguiente tres aña lo organiza un cantidad grandi di
programanan educativo den e diferente barionan di Aruba pa

duna informacion tocante cuido na cas. Esaki lo wordo

coordina door di e tres instancianan aki, pero lo envolve hopi
mas organisacion cu lo por contribui na esaki. Lo duna

informacion den bario, lo crea informacion ‘online’, lo crea

un ‘helpdesk’ na unda hende por yama cu pregunta tocante e

cuido na cas y lo enfoca tambe ariba educacion di e cuidador
profesional con pa anda miho cu e famia cu ta duna cuido. E

proyecto lo duna bista tambe ariba otro necesidad cu e

cuidadornan informal tin y lo por traha ariba mas proyecto pa

fortifica esaki.