Page 49 - KPA 16 JULI 2015

Polis a captura 4 sospechoso cu auto horta
den 2 auto, a haya cartera di un sospechoso
den e otro auto

6 hora pasa , 16 di juli 2015 04:25
Seccion: incidente

Diahuebs madruga a drenta informe di un caso di ladronicia di un y e doño ta coriendo tras
di e auto riba Sasakiweg direccion pariba, mesora e central di polis a envolve mas patruyanan di
Santa Cruz y Noord den e buskeda/persecucion aki. Un rato despues a drenta un otro informe di
cu e auto esta e Nissan Sentra shinishi cu number A31917 aki ta banda di Talk of Town bayendo
pariba y tabata tin tambe un Nissan Sentra blanco tambe den cual e ladronnan cu a bini pa horta e
auto aki a bini den dje. Na momento cu e auto den cual e doño mes tabata su gasolin lo a caba y
no por a sigui mas, polisnan atentoa nota e Sentra blanco A50612 y a bay par'e mientras un rato
despues e patruya di Santa Cruz a logra para e Sentra shinishi aki pazuid di Young Fellow na
Barcadera. Ambos auto cu chofer y ocupante (4 sospechoso en total) a ser deteni y hiba na warda
di polis na Shaba. Ora cu tabata investiga e Sentra blanco a topa cu un cartera cu no ta pertenece
na ningun di e 2 sospechosonan den e auto ey, pero a bin resulta di ta pertenece na e sospechoso
deteni den e otro vehiculo. Ademas di e detencionnan a confisca ambos auto pa mas
investigacion. E vehiculo mes a ser horta for di banda di e hotzone na hotelnan highrise.
Shortened link: http://awe24.com/22323