Page 61 - AHATA
P. 61
DEZHI a tene control contra
supermercadonan cu tabata abusa
Posted on 03/16/2020 10:20 am AST | Updated on 03/16/2020 10:22 am AST
ORANJESTAD – Den fin di siman departamento economico di Aruba (Directie
Economische Zaken Handel & Industry) DEZHI a tene control rigoroso contra abuso di
cierto supermercadonan riba cierto productonan manera e.o. handsanitizers, papel di wc y
otro cos. Segun e hefe Maria Dijkhoff, a controla mas di 30 lugar diasabra, y a duna
instruccion na varios di e supermercadonan contra ken tabatin keho. A splica cu si un
cliente den un supermercado topa un producto cu ta ‘foi sla’, fuera di e canasta basico, e
por reclama e negoshi y raporta esaki na DEZHI cu e number riba e app cu tin di e
departamento. Segun e departmento, no a topa hopi producto ya cu aparentemente for di
diabierna y diasabra tempran, ya caba e productonan aki a wordo completamente bendi.
