Page 21 - AWEMAINTA 22AUG,2015
P. 21
AWEMainta Diasabra, 22 Augustus 2015 21
Chef Celebridad
Ruth van Waerebeek
lo forma parti di cuerpo di
hurado di Iron Chef Aruba
E competencia tan anticipa di Iron Chef Aruba, produci p’e revista Island
Temptations, lo tuma lugar dia 8 di october durante e prome Restaurant
Week anual di Aruba Tourism Authority, y lo wordo husga pa profesion-
alnan di hospitalidad, incluyendo e chef celebridad Ruth van Waerebeek.
E chef Belga dinamico t’e autor di varios buki di receta altamente aclama,
y el a aperece den e revistanan Gourmet y Food & Wine.
Durante e ultimo 15 añanan, Chef Ruth a fungi como un Embahador di
marca y House Chef pa Chile su famoso y Toro Winery, repre-
sentando e biñero na eventonan grandi di e compania na
Europa, Merca, Asia y Latino America.
E chef tambe ta supervisa e Mapuyampay Hostal
Gastronomico & Scol di Cushinamento den e area
di Chile unda tur e biñeronan ta.
E Iron Chef Aruba di e aña aki lo tuma lugar na
Alhambra Ballroom riba diahuebs, 8 di octo-
ber. E competencia lo conta cu tres di Aruba
su top chefnan batayando contra otro p’e
titulo cu a wordo gana dos aña pasa pa Chef
Urvin Croes di White Modern Cuisine y The
Kitchen Table by White.
Ademas di esaki, tres di Aruba su top bar-
tendernan lo enfrenta otro den e Bartenders
Brawl, cual lo tuma lugar durante e cocktail
hour prome cu e competencia di chef cu lo
tuma lugar en bibo riba un scenario, y cu lo
inclui un componente di macuto misterioso di
ingredientenan pa reta e chefnan.
Bishitantenan presente p’e Island Temptations’ Iron
Chef Aruba lo disfruta di e oportunidad pa purba e
cocktails di e Bartenders Brawl prome cu e cena, sigui
pa un cena gourmet di 4 plato combina cu biña di Aruba su
top distribuidornan di liquor.
Amantenan di cuminda y biña mester marca nan kalender!
Lugarnan ta limita p’e evento final aki di Restaurant Week.
Pa carchi y mas informacion, tuma contacto cu Island Temp-
tations via Facebook of na info@island-temptations.com.
