Page 19 - solo july 10

Diabierna 10 Juli 2015 Pagina 19

Solo di Pueblo... Local.....

Clausura di e prome 6 luna di 2015 di Grupo Bini Bini

Na Baranca di Yerba
Grupo Bini Bini a clausura
nan encuentronan pa
locua ta trata e prome
6 lunanan di 2015 den
un ambiente festivo. Tur
miembro di Grupo Bini
Bini a wordo transporta di
Noord pa Baranca di Yerba
caminda den un ambiente
di celebracion por a
disfruta e ultimo actividad
prome cu drenta den e
temporada di vakantie.
Miembronan por a baila
riba tononan di caha di
orgel Nos Ambiente di
Sr. Nelson Sprock y riba
musica di Vi and Friends
Band. For di atardi te cu
den oranan di anochi
miembronan a disfruta
di un tremendo actividad
yena cu ambiente.

Tur aña e miembronan ta
clausura nan temporada
cu un parti sorpresa den
e nan actividad y pa e
biaha aki a opta pa saca
un potret den un cuadra di
graduacion/felicitacion

Dirigentenan di Grupo
Bini Bini kier a desea tur
su miembronan un feliz
temporada di vakantie y
alabes ta recorda pa tur
miembro ta prepara pa e
siguiente encuentronan
cu lo cuminza bek den e
di 2 parti di 2015. Grupo
Bini Bini kier a gradici
na tur su voluntario,
colaboradornan, tur cu
ta contribui cu e grupo y
tambe tur su miembronan
danki pa aporta y forma
parti di nos prestigioso
grupo.