Page 32 - MIN.ON APRIL 15
P. 32
Grupo di mala mucha a ataca y herida cabezante di school
Publication: Wednesday, 15 April 2015. Categoria: General
Caso serio na San Nicolas
ORANJESTAD (AAN): Diamars atardi algo a bay completamente robez na San Nicolas. Esey
tabata ora cu e cabezante di Colegio Santa Filomena na San Nicolas, tabata cerando porta di
school.
El a wordo sorprendi pa algun hoben cu nan cara tapa, y nan a cuminza agredi e cabezante.
E situacion aki a pone cu e docentenan di Colegio Santa Filomena expresa, cu ya nan no ta sinti
nan mes protehi ora di bandona tereno di school.
Meneer Monty tabata cerando porta, ora cu e grupito aki a yega den forma tactico riba dje, y a
cuminza yena su curpa cu golpi. E intencion tabata claramente pa dal e cu golpi. No tabatin
intencion di horta nada di dje.
Esaki ta duna un indicacion claro, cu ta un venganza esaki ta. No obstante nan cara ta tapa, e
cabezante por facilmente deduci ta cual grupo, famia, of amigo di studiante di e school lo tin
asina hopi rabia te cu ta ataca e cabezante di e forma aki.
No ta conoci si acaso tin mucha muher den e grupo cu a ataca e cabezante. Hecho si ta cu el a
haya basta golpi na su cara.
Tin indicacion cu e cabezante a bay entrega denuncia na Recherche. Ohala cu Ministerio
Publico mira e seriedad di e caso aki, y actua cu rapidez pa soluciona e asunto aki. Cualkier
persona cu por a mira algo sospechoso riba Diamars merdia, ta ser pidi pa yama Polis na telefon
111-41 pa asina duna detaye di loke bo por a mira.
DIARIO a tuma nota cu mesora riba media social, diferente maestro di school a cuminza apunta
dede riba e caso serio aki, pa mustra cu e momento a yega pa nan como docente, haya mas
proteccion riba casonan di atake contra maestro. Fresco den nan memoria ta loke a caba di pasa
unda Gobierno a manera castiga un maestra na Scol Basico Kudawecha, siendo cu tin indicacion
cu e studiante en cuestion tabatin problema cu tur docente, desde 1e Klas di school basico caba.
Hasta grito di auxilio a bay na Sindicato SIMAR pa dedica atencion na loke a pasa cu e
cabezante. Tin indicacion cu SIMAR a dicidi pa cuminza tuma detaye di e incidente aki mesora.
E school aki ta situa net panort di Misa Santa Teresita na San Nicolas.
http://www.diario.aw/2015/04/grupo-di-mala-mucha-a-ataca-y-herida-cabezante-di-school/
Publication: Wednesday, 15 April 2015. Categoria: General
Caso serio na San Nicolas
ORANJESTAD (AAN): Diamars atardi algo a bay completamente robez na San Nicolas. Esey
tabata ora cu e cabezante di Colegio Santa Filomena na San Nicolas, tabata cerando porta di
school.
El a wordo sorprendi pa algun hoben cu nan cara tapa, y nan a cuminza agredi e cabezante.
E situacion aki a pone cu e docentenan di Colegio Santa Filomena expresa, cu ya nan no ta sinti
nan mes protehi ora di bandona tereno di school.
Meneer Monty tabata cerando porta, ora cu e grupito aki a yega den forma tactico riba dje, y a
cuminza yena su curpa cu golpi. E intencion tabata claramente pa dal e cu golpi. No tabatin
intencion di horta nada di dje.
Esaki ta duna un indicacion claro, cu ta un venganza esaki ta. No obstante nan cara ta tapa, e
cabezante por facilmente deduci ta cual grupo, famia, of amigo di studiante di e school lo tin
asina hopi rabia te cu ta ataca e cabezante di e forma aki.
No ta conoci si acaso tin mucha muher den e grupo cu a ataca e cabezante. Hecho si ta cu el a
haya basta golpi na su cara.
Tin indicacion cu e cabezante a bay entrega denuncia na Recherche. Ohala cu Ministerio
Publico mira e seriedad di e caso aki, y actua cu rapidez pa soluciona e asunto aki. Cualkier
persona cu por a mira algo sospechoso riba Diamars merdia, ta ser pidi pa yama Polis na telefon
111-41 pa asina duna detaye di loke bo por a mira.
DIARIO a tuma nota cu mesora riba media social, diferente maestro di school a cuminza apunta
dede riba e caso serio aki, pa mustra cu e momento a yega pa nan como docente, haya mas
proteccion riba casonan di atake contra maestro. Fresco den nan memoria ta loke a caba di pasa
unda Gobierno a manera castiga un maestra na Scol Basico Kudawecha, siendo cu tin indicacion
cu e studiante en cuestion tabatin problema cu tur docente, desde 1e Klas di school basico caba.
Hasta grito di auxilio a bay na Sindicato SIMAR pa dedica atencion na loke a pasa cu e
cabezante. Tin indicacion cu SIMAR a dicidi pa cuminza tuma detaye di e incidente aki mesora.
E school aki ta situa net panort di Misa Santa Teresita na San Nicolas.
http://www.diario.aw/2015/04/grupo-di-mala-mucha-a-ataca-y-herida-cabezante-di-school/
