Page 52 - AHATA

Coronavirus) pa nan bay Aeropuerto y haci un viahe cu Air Ambulance pa
Merca. Pasobra nan a bira hopi malo.

Awor Carnival Cruises a stop cu algun bishita na Jamaica, y tin indicacion cu e

compania aki ta menazando tambe di lo bay stop tur nan futuro viahe di mara na Waf
di Jamaica. Di tur e companianan crusero, Carnival ta esun cu ta mas vocal riba e
caso aki.

Jamaica a ricibi mas di 460 barco crusero na 2019, cu mas di 1.5 miyon pasahero
crusero bishitando e isla.

EFECTO DEN AVIACION:

E efecto di Coronavirus Covid-19 mundialmente tambe tin efecto riba companianan
aereo. Hopi vuelo a ser cancela rond mundo. Y pa Caribe, tin di tene cuenta cu e
reduccion di viahe crusero tambe ta cuminza plama duda pa cu turistanan cu ta yega cu

avion.

Tin di corda cu lo bay tin turistanan cu lo sigui viaha, sin preocupa cu
nada! Principalmente esnan cu a yega di cumpra Timeshare den Caribe. Nan si ta

sperando anciosamente ta wardando pa prijs di pasashi cuminza baha mas, pa asina
nan por viaha pa nan destinacionnan favorito di Merca pa Puerto Rico, Jamaica, Aruba,
y St. Maarten.

Algun aerolinea a reduci tarifa di pasashi caba, y tin e pensamento cu e lo por baha aun
mas.

Toch tin preocupacion cu e interupcion causa na e industria turistico mundial aki, por

activa un caida grandi den economia mundial. Algun isla den Caribe ta haya turista cu
ta principalmente personanan di Merca cu ta riba 45 aña di edad, y net nan tin hopi
biaha un malesa cronico, y ta riesgoso pa haya malesanan cu ta plama rapido.

Esey mes ta e motibo cu aerolineanan ta nota caida den viahamento. Pasobra te cu
awor e mayoria di morto debi na virus di Covid-19, ta hendenan di edad mediano pa
anciano.