Page 67 - AHATA

A base di informacion di expertonan cu trayecto importante den e mundo di turismo
internacional, DIARIO a adverti pa e caida serio cu turismo na Aruba lo sufri
directamente a base di e coronavirus nobo, cu cual ningun otro menasa pa turismo por
competi.

Aruba for di momento cu el a introduci turismo na 1986 como su base economico mas
importante, tabata na haltura di tur e riesgonan cu esaki a encera. Den tur rapport
desde Status Aparte di Aruba, mencion ta wordo haci di e necesidad grandi pa Aruba tin

mas palanca economico y na varios ocasion a trece reemplasante pa Lago.

For di 1986, turismo na Aruba tabata contene tur e peligronan y fragilidad di turismo,
pa cual DIARIO semper a adverti.

Na momento cu a recupera Aruba cu turismo na 1986, a tuma decisionnan cu tabata
afecta e motibo cu a dicidi pa turismo manera apertura di cupo di trabou. E cantidad y
naturalesa di trabou na hotel a haci necesario tambe pa importa trahado na Aruba, loke

a pone peso riba e funcionamento di comunidad.

E cantidad di hotelnan cu a wordo habri na Aruba den un solo parti di e isla, for di un
prome momento tabata motibo pa preocupacion mas ainda teniendo cuenta cu e

cambionan den mundo di turismo pa cual sigur durante ultimo añanan DIARIO a
adverti.

Na e momentonan aki e fragilidad mas grandi cu pa su realidad turismo ta contene, a

wordo presenta dor di e coronavirus nobo, Covid-19 cu ta stroba biahe cu ta esencial
den turismo.

Pa un hende ta turista e mester bandona su cas y su ambiente, cu ta e alma di turismo

y esencia di e sector.

Na e momento aki biahe a bira sumamente peligroso mescos cu tur otro esencia di
turismo, cu ta hotel y otro forma di acomodacion cu hende hunto mescos cu

atraccionnan turistico.