Page 47 - MIN TTC 15 SEPT 2015

DIAMARS 15 SEPTEMBER 2015 DIARIO PAGINA 37

Comunidad Boneriano a
celebra Dia di Boneiro
den Carnival Village

ORANJESTAD (AAN): Den
fin di siman e comunidad di
Boneiro a tene un celebracion
di wapa den cayanan di San
Nicolas. Esaki ta un evento
cu ta worde organiza tur aña
na Aruba unda cu e Boneri-
anonan ta celebra nan cultura.

Durante e evento di fin di
siman nos a combersa cu Lisa
Marie Sint Jago, kende ta un
miembro di e comision cu
a yuda organiza e evento di
Wapa, pa celebra di Dia di
Boneiro.

E biaha aki a dicidi di celebra
e fiesta Boneriano no den nan
club pero den Carnival Vil-
lage, ya cu ta na San Nicolas
semper a celebra e fiesta aki.

E celebracion a tuma luga
durante dos dia, cuminsando
cu un warm-up riba e prome
dia cu a atrae hopi hende y riba
diadomingo tabatin un cel-
ebracion unda cu a toca tambe
bandanan cu a bini Boneiro
specialmente pa e ocasion aki.
E Simadan a pasa den cayanan
di San Nicolas y anochi a cera
cu e bandanan crioyo manera
Grupo Cara Cora, Grupo Car-
iño y Grupo Eso.
Na Aruba tin un grupo grandi
di Boneriano y nan descendi-
entenan cu ta sigui cu e cele-
bracion di nan pais di origen.
Nan ta mantene e cultura di
Boneiro bibo principalmente
cu fiestanan grandi man-
era Dia di Boneiro y Dia di
Rincon. E ultimo aki ta atrae
hopi Arubiano cu ta comparti
cu e Bonerianonan e celebra-
cion aki.

E comision tur aña ta haci
nan maximo esfuerso pa sem-
per riba e fechanan special aki
tin eventonan specialmente
pa e Bonerianonan topa otro
y combersa di nan antecesor-
nan y pa e esnan mas chikito
cerca conoci cu aspectonan di
Boneiro.