Page 31 - diario

DIAHUEBS 2 APRIL 2015 DIARIO
Cuaresma cu su alma malo, tambe su bola
di fuego y corda yuna
Temporada di Cuaresma ta yegando su fin. Por a ripara cu
hasta e “biento di cuaresma” a baha y aparentemente for
di diamars venidero e lo ta normal atrobe y tur e dianan aki
no spera awacero tampoco, pasobra lo no tin. Loke por spera
si ta e periodo di calor cu ta den porta.
Tabata diamars siman pasa cu mi a pasa den un di e miste-
rionan di Cuaresma. Como mucha mi a pasa den dos oca-
sion di “alma malo” cu su “cadenanan”, y mas o menos 25
aña pasa den un misterio di e “bola di fuego” manera nan
ta yama e “cos” ey. Pero lo mi no skirbi di esaki awe.
Di diamars pasa tabata straño. Tabata madruga 1 or exac-
to. Ni 10 minuut mi no tabata tin na cas despues di a cera
corant.
Na dado momento un cantidad di cacho, mas o menos 30 di
nan (segun mi por calcula kizas exagera tambe) a cuminza
blaf of ladra pa loco. Tur di nan a cuminza na mes momento
hunto, for di mas o menos misa di Playa bin pariba.
Mi lo tribi na bisa cu ta cachonan di “skina di Piet’s” bin te e prijs. Mi a paga pa un cuminda cu mi tabata sa mes kico e
na Mc Donald’s banda di pomp di gasoline di Texaco; for
di Corte di husticia, bin pariba te na crusada di Xerox, bay
nort pa McDonald’s. E cuadro ey incluyendo Sivi Divi tabata
e cuadro di e ladramento.
E cachonan a blaf y blaf, yora (manera nan ta yora ora di
alma malo) cinco minuut largo.
ALMA MALO TA PASANDO
Na dado momento mi a sali y na porta di veranda a bisa mi yiu
y su amigo ey fo, “scucha bon! Alma Malo ta pasando”.
Nan a keda mirami poco straño y mi a sigui. “Aki un rato
habri boso orea bon pa scucha alma malo pasa lastrando
su cadena riba De La Sallestraat y riba Dominicanessen-
straat. Habri boso wowo y keda wak den laira boso di-
lanti pa si encaso bola di fuego pasa”. Eynan mi a splica
cu ta un “bala di candela” ta keda pasa den laira.
Mi a drenta y sigui wak mi television. Exactamente 5 pasa di
1, tur e boroto inmenso di e cachonan a para hunto, como si
fuera nan tabata sincroniza pa 5 minuut. “E cos a pasa!”
No a dura un bon diez minuut cu mi yiu a drenta cas y a bisa
di ta bay drumi. Su amigo mes a sali bay cas. Straño ....
Ora nan ta ey fo, hunto cu otronan, tin ora 3 or of 4 or di
madruga ainda e grupo ta sinta conversa pafo y no ta pensa
mes na drumi.
Ora el a cera porta di camber su tras, mi a bisa den mi mes:
“Bo alma malo cu cadena y bola di fuego” a spanta nan,
Juby .”
Ta diamars anochi mas o menos 9 or cu mi yiu a bin di en-
sayo di musica cu el a bisami, cu “e cachonan a haci boro-
to madruga pa motibo di e cambio despues di eclypse
solar di diabierna na Europa y cu ta nada di alma malo”.
Mi a djis keda keto.
UN DIA MAS PA YUNA
Cuaresma ta yega su fin, pero den e temporada aki tin tambe
e dia di yuna. Diabierna ! Mañan ainda ta dia di Pisca. Por
mira e promocionnan pa platonan di pisca y tambe sopi di
pisca, pero mi sa tambe cu masha hopi cristian no ta man-
tene nan mes na esaki. Ami si a percura pa mañan mi tin mi
pisca cora. Y esey di suerte.
Siman pasa mi a sali anochi y e conocir di mi a baha di ca-
minda y para dilanti un establecimento cu mi sa mira pero
nunca a drenta. Ta “Carbon de palo of por ta tambe Palo
de Carbon”. El a contami cu un conocir di dje a caba di habri
e negoshi aki despues cu varios otro a bay di eynan. Esaki ta
keda for di Bam Bam bay nort, direccion Fantastic Garden
y bo ta mire na bo man drechi despues cu bo caba di pasa
PAGINA 31
Centro Di Bario Playa Pabao na altura di casnan di FCCA.
Mi a haya sorpresa. E doñonan nobo ta dominicano (mas aru-
biano cu mi den nan manera di anda cu hende y masha ser-
vicial mes). E sorpresa tabata cu mi por haya mi galiña, car-
ni, higra, rabo, lenga, porkchop etc. stoba, y cu sea aroz
blanco, arroz moro, pan bati, funchi, batata machica, of cu
yuca. Masha poco bar/restaurant asina, (di chines no papia
mes) tin pan bati, funchi y batata machica. Mi tin cu bisa cu
aki por fin mi a haya un lugar unda mi por haya mi pan bati
of funchi of bata machica ki ora mi kier. Cerca nos hendenan
local, bo sa haya esakinan na actividadnan, bake sale, festi-
valnan etc. pero masha poco negoshi cu e cuminda crioyo cu
su funchi etc.
E señora a bisami despues di tanto pregunta di mi pa no preo-
cupa, mas oro e ta busca mi ordo.
Busca kico ? Mas o menos 11.30 or el a presentami e caha di
foam y bisami pa habri e na cas y despues laga sa si e ta bal
ta, pero na cas mi a haya e sorpresa. El a pone algo di cada
cos (cu mi a menciona aki riba) den dje, cu un pisca mochi
delicioso.
E anochi siguiente mi a bolbe, y mi di cune cu “awor mi tin cu
purba tur stoba cu tin” y ademas den e diferente variacion-
nan. Mi a pasa den pisca caba, stoba, rabo, galiña y dialuna
ultimo tabata higra stoba.
Pa bisa berdad, nunca mi a come un rabo asina dushi manera
siman pasa. E conocir di mi cu tambe ta amante di stoba estilo
caribense y crioyo tambe a expresa mescos. Mi a pidi di mi cu
funchi y batata machica.
Lo por bisa cu esaki ta propaganda pero mi no a skirbi’e como
propaganda. E ta skirbi pa mustra cu tin lugar caminda bo por
haya un cuminda delicioso y cu bo ta liber pa pidi con bo kier
e y cu kico bo ta desea den dje. Un servicio cu bo no ta haya
tur caminda. Den e casonan ey bo ta tuma loke tin manera e ta
prepara pa e coki si bo gusta of no. Especialmente e funchi y
pan bati cu bo no ta haya, na sigur 98 porciento, di restaurant
chines.
Mi no sa hunga cu mi stoma y mi tin un boca cu conoce kico ta
bon cuminda, pesey ora cu faya un biaha cu mi, ta pa semper
a faya pasobra mi no ta bolbe. Esey ta varios restaurant-bar
chines sa di dje.
E BLOKI DI PISCA “ARTIFICIAL”
Un cos cu awendia mi no ta busca con cu ta tampoco ta pisca.
Ni na Supermercado. No bin cu grouper esaki of fillet esaya ni
tilapia esaki of esaya. Mi ta controla tur bon y wak di unda nan
ta, busca informacion, prome cu mi por cumpra. Si no tin riba
nan di unda nan ta mi no ta cumpra. Mi no ta papiando aki di
restaurantnan turistico specializa den pisca y cuminda di lama.
Nan si mi no a laga un banda. Mi sa kico mi ta haya cerca casi
tur.
Ta dos siman pasa mi a laga mi lugar preferi di “fish cutlet”
un banda. Pa mi no tabata tin mihor fish cutlet cu eynan. Pero
esun cu mi a haya dos siman pasa, tabata e mes pisca “artifi-
cial” manera ta yama nan awendia, cu ta bin den caha y cu ta
cumpra na caha di bloki di pisca(?) na un di e lugarnan grandi
cu pa mi capricho tambe nunca mi a drenta. Tur hende ta keha
di e piscanan aki cu ta wordo sirbi den tur sorto di forma, y den
corto tempo bo a fada di nan pasobra e no ta “e cuminda di e
animal di lama”. Si mira documentalnan di puertonan di Sin-
gapore, Vietnam, Hapon, varios ciudad chines bo ta ripara
cu ta e restantenan ta colecta hunto, pasa den machine,
spula nan etc. y comprimi nan den caha y poni riba ijs,
exporta rond di mundo como pisca.
Mihor mi stop aki pa evita cu un anzue lo wordo tira pa mi.
Juby Naar