Page 13 - BDA 16Jan2016

REFLEXION A13
Diasabra 16 Januari 2016

Snechi di Palabra di Dios

E di tres dia tabatin un casamento na Cana di Galilea.
Hesus su mama tabata na e casamento.
Nan a combida Hesus tambe hunto cu su discipelnan. Ora cu
biña a caba, Hesus su mama a bis’e: “E hendenan no tin mas
biña!” Hesus a contest’e: “Señora, kico bo kier pa Mi haci?
Mi ora no a yega ainda.” Hesus su mama a bisa e sirbidonan:
“Haci loke E bisa boso.” Ta asina cu e Hudiunan tin nan cus-
tumbernan religioso di purificacion; pa e motibo ey tabatin
seis tinashi. Cada tinashi por tuma ochenta pa shen liter di
awa. Hesus a bisa e sirbidonan: “Yena e tinashinan ey cu awa.”
Y e sirbidonan a yena nan te na rand. E ora ey el a bisa nan:
“Saca poco awa y hiba pa e maestro di ceremonia.” Y nan a
hiba e awa pa e homber. Ora e maestro di ceremonia a purba
e awa cu a cambia bira biña, el a manda yama e bruidegom.
E no tabata sa di unda e biña a sali, ma naturalmente e sirbi-
donan cu a saca e awa, si tabata sa. El a bisa e bruidegom: “Tur
hende ta parti e miho biña prome y despues ora e hendenan a
bebe basta caba, nan ta parti e biña di menos calidad. Ma abo
a warda e miho biña te awo!” Asina Hesus a haci su prome
señal milagroso: ey na Cana di Galilea El a mustra su gloria y
su discipelnan a kere den dje. Palabra di Señor!

Mensahe
Hopi biaha nos ta mira.
Hesus oranan largo denoracion. Nos ta mir’e activo predi-
cando Dios su mensahe, yudando hende, haci milager….
Evangelio di awe ta conta nos con Hesus a participa den un
encuentro social un fiesta di casamento. No por descuida cu
Hudiunan den tempo di Hesus a celebra nan fiestanan di ma-
trimonio aproximadamente un siman. Sinembargo pa Hesus
no tabata un tempo perdi. Su presencia den un celebracion
di matrimonio ta mustra importancia di matrimonio como
tambe importancia di comparti cu hende den momentonan
festivo. Kisas bo ta busca Dios na ora di problema, pero bo ta
exclui E ora di diberticion y fiesta. E kier ta presente pa yuda
bo biba esakinan na un manera cristian. Na Cana di Galilea
riba intersesion di Mama Maria, Hesus a cambia awa den
biña. No ignora intersesion di Mama Maria. E no ta kita nada
for di Hesus, sino e ta yuda nos yega cerca dje. Su mensahe
ta esaki: “haci tur loke E ta bisa boso”. Den cuanto nos ta
dispuesto di haci tur loke Hesus ta bisa, nos bida lo bira dife-
rente. Mescos cu Hesus a cambia awa den biña E lo cambia
nos bida ordinario den goso y fiesta.

Oracion
Mama Maria! intercede cerca Hesus pa mi matrimonio y mi
famia. Pa nos por mantene un amor grandi y puro cu awe a
keda expresa cu bon biña den tur momentonan di nos bida.
Amen.

Proposito
Haci oracion na ora di encuentro social of actividadnan fes-
tivo, pa di e manera aki mustra cu nos ta desea su presencia.q