Page 35 - MIN JUS

AWEMainta Diabierna, 6 October 2017 11

Segun partido MEP:

E deficit di 195 miyon den

nos presupuesto tabata

un sorpersa pa nos

Y riba dje AVP no a percura pa entrega esaki
pa aprobacion dia 15 di december proximo

PARTIDO MEP a ricibi for di Informador docu-
mentonan di e situacion financiero di nos pais cu ta
indica un deficit di casi 200 miyon florin. Cual sigur
tabata un sorpersa pa partido MEP, aunke nan tabata
na altura cu e situacion financiero di pais Aruba no
ta mucho bon.

Lider di MEP, sra Evelyn Wever-Croes, contestando
e pregunta cu si realmente esaki tabata un sorpresa
pa partido MEP, saliendo for di e punto di bista cu
pa 4 aña MEP a wak e desaroyo di e situacion aki y
kendenan mester poni responsabel p’esaki, y infor-
mando pueblo constantemente riba e situacion, a
bisa lo siguiente:
“Nos tabata na altura cu e situacion financiero ta hopi
malo, por lo tanto esaki no a bin como un sorpresa
pa nos. Sinembargo e suma si tabata un sorpresa
grandi pa nos.

E presupuesto di aña 2018 mester tabatin un surplus
di 25 miyon florin segun e ley di CFT cu Mike Eman
y su gobierno mes a bin cu n’e. Sinembargo, esaki no
ta e caso.
Pa yega e meta aki ya caba ta algo dificil y lo mester
haci hopi ahuste pa yega na dje.

Sinembargo, Gobierno di AVP a laga un buraco fi-
nanciero di casi 200 miyon cual t’e prome reto cu un
Gobierno nobo ta sinta cu n’e.
E di dos reto ta cu e presupuesto no ta entrega ai-
nda y e mester a keda entrega dia 1 di september,
pa aprobacion di Parlamento pa dia 15 di december
proximo. Y AVP no a mira e nececidad pa haci esaki.

E ley pa entrega e presupuesto dia 15 di December
ta un ley nobo cu a bin door di CFT cu AVP mes a
bin cu n’e, pero nan mes no a cumpli cu n’e ni tene
cuenta cu n’e.

Esakinan ta otro circumstancia cu ta complica e
comienso di un Gobierno di coalicion. Pero no ta
imposibel.
Pa cuminsa, ta importante pa nos haci un “quick
scan” pa sa unda realmente nos ta para financiera-
mente, informa comunidad di e resultado di esaki, y
di aki nos lo sigui traha riba nos plannan di solucion
cu nos ta desea pa nos pais.
Aruba lo conoce un Gobierno serio, firme y duradero
cu lo tin e vision y determinacion mutuo pa sanea
nos situacion financiero”. Lider di partido MEP a
termina bisando.