Page 5 - ARUBA AIRLINES

Djamars 23 Yanüari 2018 3
No tin splikashon
ofishal
Buelonan di

InselAir riba Sint
Maarten pegá
pa di dos dia
konsekutivo

WILLEMSTAD.- E
buelonan di InselAir pa
i di Sint Maarten tabata
pegá ayera pa di dos dia
konsekutivo. E buelonan
riba Aruba i Boneiru si ta
bulando normal, anke den
algun kaso ku un retraso
chikitu. Den algun kaso den
fin di siman e buelonan a
sali mas tempran. Esei a
krea disgustu serka algun
pasahero ku a pèrdè nan
buelo. Punto ta ku nan
no tabata na e ora indiká
na aeropuerto manera
klaramente ta regla di e
kompania.
Pa loke ta trata Sint
Maarten e situashon ta un
poko konfuso. Es mas, no
tin informashon ofishal ta
kiko ta pasando. Masha dia
no tin un bosero mas na e
kompania i ora puntra ta
referí na e direktor ofishal
di e kompania ku EXTRA
no ta haña na telefòn. Hopi
biaha tambe e ta na Canada
i otronan den empresa no ta
outorisá pa papia.
EXTRA a komprobá
si ku e situashon a krea
un situashon kaótiko pa
esnan ku ta na Islariba
i ku mester bin Kòrsou,
Aruba i Boneiru. Visevèrsa
tambe tin un problema ku
esnan na e islanan abou ku
mester bai Islariba tampoko
por biaha. Aparentemente
a duna dispensashon
pa e buelo di TUI rekohé
algun pasahero na Sint
Maarten ayera pa trese
nan Kòrsou pero pa kolmo
e buelo ei tambe tabata
retrasá. No por a informá
independientemente si TUI a
haña pèrmit pa trese algun
di e pasaheronan komo
ku e kompania no por kue
pasaheronan riba e ruta mit-
atlántiko. Den e próksimo
dianan tin hopi pasahero
pendiente pa bai Islariba
entre otro pa trabou i pa
yuda den rekonstrukshon di
e isla i awor aki nan ta den
Sigui lesa pagina 44