Page 24 - ATA FEB 19,2015

Den un reaccion di Minister Paul Croes di labor riba e maneho laboral pa locual ta trata e prome permisonan di
trabou, Minister Croes a duna di conoce cu e maneho pa e prome permiso lo continua y lo bira un poco mas
stringente pa 2015. “Mientras cu nos localnan no por yega na un empleo, nos no por habri porta pa trahadornan di
afo. Mercado local ta keda haya e prioridad. Tin caso di excepcionnan cu por wordo duna, pero esaki ta un
uitzondering op de regel”, Croes a bisa. E maneho cu Minister Croes a bini ta hiba a mustra cu e otorgacion di
prome permisonan a baha cu 20%. Minister Croes a tuma nota di cierto desaroyonan riba e mercado y a comunica
esaki tambe cu partnernan manera AHATA y ATIA.
Minister Croes kier mira e dinamica laboral den un forma mas cla. Dicon sector priva ta keda haci peticion pa
personanan di afo bin traha na Aruba den sectornan laboral pagando salarionan minimo? Minister Paul Croes a
mustra cu Gobierno no mester obstrui desaroyo economico por medio di maneho di labor intransigente, pero
Minister tey tambe pa proteha nos trahadornan na Aruba. E balansa aki ta keda importante pa yega na dje.