Page 66 - MIN TTC - APRIL 21,2015

Minister Otmar Oduber ta yama bon bini na revitalisadornan
di Wynwood na nos isla

Monday, 20 April 2015 17:00
Comparti

Minister Otmar Oduber ta yama bon bini na e revitalisadornan di e bario artistico Wynwood na Miami,
kendenan lo ta biniendo Aruba na luna di juni pa organiza un seminario riba e trabounan cu nan ta haci.
E mandatario ta sumamente contento di por a mira con Prome Minister Mike Eman durante su estadia
di trabou na Miami a dedica tempo na bishita e bario artistico Wynwood y mustra con e desaroyadornan
di dje por contribui na desaroyo di nos cultura y en especial di nos di dos capital turistico, nos centro
cultural, cu ta San Nicolas.
Maneho di Minister Oduber ta enfoca pa haci di San Nicolas e centro di nos herencia cultural, y ya caba
diferente pasonan a wordo tuma pa logra e meta aki, unda ta integra cultura y turismo.
Por menciona e tres museonan cu lo ta ubica na e parti pariba di nos isla, manera ta Museo Comunitario
cu lo ta ubica e aña aki ainda na Nicolaas Store, e Museo Industrial ubica na Watertoren y otro aña e
Museo di Carnaval. Ademas di esaki tin tambe e prome fase andando pa lokta ta trata estetica di San
Nicolas a traves di muralnan cu ta enfoca riba artistanan local, en especial esnan di San Nicolas. Cu esaki
kier duna e artistanan e oportunidad pa nan expresa nan arte pa publico.
Igualmente Fundacion Craft cu lo ta habriendo proximamente na edificio di Zoutmanstraat lo habri den
transcurso di aña na San Nicolas tambe. Intencion di Ministerio di Cultura ta pa bin cu diferente forma
di arte unda cada un lo haya nan lugar na San Nicolas.
Di e forma aki e desaroyadornan di Wynwood lo trece un balor agrega na e concepto di San Nicolas como
nos capital cultural, unda por logra haci di areanan rond den San Nicolas barionan artistico, dunando
nos artistanan e oportunidad di expresa nan arte den diferente forma y promoviendo nos mesun arte cu
lo por crea un spin off effect entre e mas di 120 artista Arubiano residencia aki y na Hulanda. “E ta un
forma pa crea un plataforma unda nos artistanan por expresa nan mes y por crece cu nan arte riba nos
mesun isla”, Minister Otmar Oduber a finaliza bisando.

http://www.24ora.com/politica-mainmenu-18/94315-minister-otmar-oduber-ta-yama-bon-bini-na-
revitalisadornan-di-wynwood-na-nos-isla

Minister Otmar Oduber: Korteweg, un proyecto cultural cu
ta reuni artistanan local den un ambiente placentero pa
turista y local

Monday, 20 April 2015 16:49