Page 41 - MIN ECEM_Neat

Mas y mas hende ta registra na SVb

Thursday, 08 June 2017 17:44
Comparti

Ultimamente SVb ta hayando mas y mas hende pa registra. Control eyfo a pone cu a haya mas
registracion. Director di SVb, Edwin Jacobs ta conta con satisfecho nan ta y con hopi e controlnan aki ta
yudando pa SVb constata cu tin hopi hende cu no ta sigura.

Despues cu aña pasa a cuminsa cu intercambio di informacion cu Dimas riba e personanan cu tin un
permiso pa residencia na Aruba, a acopla na dje permiso pa trabao y cu nan mester ta registra na SVb, a
cuminsa ripara e fluho di trahadonan cu no tabata sigura, a crece na nan oficina pa registra. A base di e
cantidad grandi cu tabata tin, Parlamento di Aruba a otorga SVb den e reunion di Parlamento di dia 28 di
April, e instrumento di boet administrativo, SVb a cuminsa informa comunidad di e instrumento nobo
aki cu a ricibi. Esey tambe a conduci cu hopi doño di trabao a bira conciente cu nan mester registra nan
trahadonan. Esey tambe a ocaciona un crecemento grandi den cantidad di trahado cu ta yega na SVb pa
registra. Dia 1 di Juli, despues di un aña cu e instrumento aki a drenta na vigor, ta bay ta cuminsa
implementa realmente, imparti multa ora cu constata cu tin trahado na pia di trabao, cu no ta cumpli cu
ley di seguro di malesa y accidente y esey tambe por mira cu tabata tin su influencia. Parlamento di
Aruba a pidi SVb ora cu a pasa e ley aki, e boet administrativo no bira algo morto di ley, pero duna bida
na dje door di aumenta nan control. En dia SVb ta haci caba control pa hopi tempo. SVb tin un
departamento di control externo, cu ta haci control na empresanan na oranan di oficina y e aña aki ta
bolbe reintroduci desde Februari controlnan nocturno. E ta tuma luga dos biaha pa luna y fechanan
diferente caminda cu tin cinco pa seis team cu ta subi caya anochi, bishita e establecimentonan pa check
si e trahadonan cu ta trahando ta registra. Entre Februari y Mei, e trahadonan durante oranan di anochi
a bishita 106 empresa di cual ocho no tabata registra na SVb. Den 106 empresanan aki tabata traha 322
persona di cual 149 no tabata registra na SVb. E coleganan di control externo a haci uzo tambe di e
anochinan aki pa informa doñonan di trabao riba e diferente exigencianan cu e ley di seguro di malesa y
accidente tin pa e empresanan, pa asina duna e empresanan tambe un man pa por cumpli cu e leynan
aki. E controlnan nocturno ta continua y tin e pleno confianza cu doñonan di trabao, mas y mas ta bira
conciente di e obligacionnan cu nan tin pa e ley di seguro di malesa y accidente y lo percura tambe pa e
trahadonan ta sigura. E boet administrativo mester ta mas un instrumento preventivo, pero no un
instrumento di sanccion, pasobra si tur persona cumpli cun’e, e ora SvB no ta haya nan cu problema.
Pero semper tin cu mantene e bista riba e sector pa wak cu ta cumpli cu e ley aki y trahadonan na Aruba
ta traha proteha pa nan seguronan social.

Otro factor Edwin Jacobs a splica cu na e momento aki, door di e fluho aki, SVb no por distingui con
grandi y kico ta e parti pa motibo di e crecemento economico y kico ta e parti cu ta bin pa motibo di e
boet administrativo. Aña pasa sigur cu si por bisa cu e grupo cu a drenta ta e dos gruponan aki, pa motibo
di e declaracionnan di SVb pa Dimas, pero tambe pa e boet. Pa motibo cu aña pasa tabata tin caida
economico. E aña aki ta premira un crecemento economico. Si mira loke a ricibi e prome tres lunanan na
prima di AOV, ta mustra cu e economia ta moviendo den direccion di crecemento y na momento cu e
economia ta crece, e ta bay compaña cu creacion di mas cupo di trabao. Na e momento aki no por duna
un indicacion. A haci un analisis di impacto den e trabaonan cu a wordo haci den refineria, pero esey