Page 16 - MIN ON 16 JUNE 2017

Bryan Dirkz ta gradua como Bachelor den Marketing na
Universidad di Aruba

Thursday, 15 June 2017 17:35
Comparti

Diahuebs dia 15 di Juni, e hoben di 24 aña, Bryan Dirkz a defende su tesis na Universidad di Aruba. Bryan a termina
su estudio como parti di e programa di Marketing na e Facultad di Finanzas, Economia y Marketing.

Bryan mester a haci proyecto di investigacion na un compania local, cual a tabata riba e topico di “Customer
Satisfaction”. E tesis mester a wordo defendi dilanti e panel cu a consisti Sra. Marushka Andrews, Sra. Carolien
Gaarthuis y Sr. Gregory Johnson, e Managing Director di Aruba Vision Center, cual a guia Bryan durante di su
projecto di investigacion na e compania akiriba menciona.
E titulo di Bryan su thesis tabata “The Study of Customer Satisfaction among Aruba Vision Center Customers”. Es
decir, e investigacion aki tabata relata na e satisfaction pa cu e servicio cu Aruba Vision Center ta ofrece.

Pa medio di un cuestionario, Bryan a logra colecta informacion di e clientenan di Aruba Vision Center y a procede na
analisa esaki.
Por bisa cu e resultado di e investigacion aki tabata uno satisfactorio pa Aruba Vision Center, mirando cu e
resultadonan a duna un bista na e percepcion di e clientenan di Aruba Vision Center, como tambe e areanan di cual
lo por mehora y asina sigui crece como e optica di mas grandi riba nos isla.

Un palabra di pabien ta bay na Bryan Dirkz cu a gradua como Bachelor den Marketing na Universidad di Aruba,
Bryan ta conseha na e studiantenan cu lo kier sigui un estudio academico pa por sigui cu nan meta y cu hopi
perserverancia y dedicacion, nos studiantenan tambe lo por logra nan metanan.

Minister Michelle Hooyboer a ricibi “Penchi e conenchi cu su
skeiro di djente”

Thursday, 15 June 2017 15:55
Comparti