Page 24 - MIN ON 16 JUNE 2017

Mon Plaisir College tin e miho resultado di MAVO na Aruba

Friday, 16 June 2017 08:42
Comparti

Mon Plaisir College por mira atras riba un tremendo aña escolar pa alumnonan den examen. No menos
cu 90% di e candidatonan a slaag, esey ta miho cu aña pasa. E scol di MAVO cu e resultado mas malo ta
Abraham de Veer School cu solamente 39% di alumnonan cu a slaag.

E averahe di alumnonan cu a slaag, sin haci "her" ta miho cu aña pasa, esta 72% compara cu 67% di aña
pasa.E di dos miho scol ta Filomena College cu 86%, sigui pa Ceque College cu 84%, Julianaschool cu
80%, Colegio San Agustin cu 72%, La Salle College cu 71%, Maria College cu 70%, John Wesley College
cu 70%, Colegio San Antonio cu 59% y Abraham de Veer School cu 39%.E ultimo aki lo mester analisa e
resultado bon pa defini na kico ta debi e resultado malo aki. Sea cu e alumnonan ta e problema, e scol tin
un problema structural of ta e docentenan no ta duna les di tal forma cu e ta yega na e studiantenan.Ta
bon pa enfatisa cu ainda e resultado lo por mehora poco, despues cu e alumnonan haya chens pa haci
"her-examen" den e dianan nos dilanti.

Resultado di HAVO e aña aki ta pio cu aña pasa

Friday, 16 June 2017 08:41
Comparti

Na Colegio San Nicolas, ta solamente 31% di alumnonan den H5 a slaag pa nan examen di HAVO,
mientras cu na Colegio Arubano (Oranjestad) e porcentahe di alumnonan cu a slaag ta 53%. Den ambos
caso, e aña escolar 2016-2017 a resulta mas malo cu aña pasa!

Den caso di Colegio San Nicolas, e aña aki e diferencia ta hopi mas compara cu e resultado di aña pasa. E
ta djis un tiki mas miho cu dos aña pasa, cu tabata menos cu 30% e tempo ey. Pues, despues cu aña pasa
el a mehora bastante y yega 50%, e aña aki el a cay drasticamente. Lo ta bon pa Colegio San Nicolas
analisa e resultado bon, haci un inventarisacion di e hechonan pa haya sa e motibo dicon e resultado a
bay asina atras.Na Colegio Arubano (Oranjestad), e resultado di e aña escolar 2016/2017 ta pio cu aña
pasa tambe, cu tabata casi 60%. Sinembargo, e ta miho si cu e resultado devastado di aña escolar
2014/2015.Tene cuenta cu e resultado aki ta basa riba e prome periodo di examen, pues ainda e por