Page 37 - MIN ON

Den su discurso n’e studiantenan sra. Ollongren a menciona e hecho cu e
studiantenan a tuma un paso grandi di sali for di nan isla pa bin biba y studia na
Amsterdam. E politico a bisa e grupo di studiante cu nan mester trata na haci

Amsterdam nan di dos hogar. ‘Pesey e merdia aki ta hopi importante pa boso
por sinti boso welkom na Amsterdam. Boso a tuma un paso grandi den boso

bida.

Un lugar unda bo no conoce ningun hende y bo no conoce bo caminda. Pero
boso lo siña conoce Amsterdam hopi liher. Asina cu boso cuminsa cu boso

estudio esaki ta tuma hopi tempo di bo mes, cu kisas lo tin espacio pa
heimwee.’

‘Desde añanan 50 hobennan di Antia y Aruba a bin Hulanda pa sigi un estudio
avansa. Hopi a bay bek y esnan cu a keda a enrikece Amsterdam y otro

ciudadnan na Hulanda cu nan cultura. For di e momento cu boso t’aki boso ta
un “Amsterdammer”. Ta hende ta haci loke Amsterdam ta,’ asina sra. Kaisa

Ollongren a bisa.

Ademas e Burgemeester a encurasha e studiantenan pa haci mas uso posibel di
e facilidadnan di e Hogeschool of Universidadnan y tambe di e diferente
“studentenverenigingen” na Amsterdam,’ asina Burgemeester Kaisa Ollongren a

bisa e studiantenan.

Despues a sigi un introduccion di diferente instancia cu ta di importancia p’e
studiantenan, manera Hogeschool di Amsterdam, Universiteit van Amsterdam,

Vrije Universiteit, Meldpunt Discriminatie y Dienst Uitvoering Onderwijs (DUO).

Minister Plenipotenciario Juan David Yrausquin a cuminsa na felicita y gradici
Amsterdam pa ta organisa e evento aki pa nos studiantenan. ‘E hecho cu e
Burgemeester di Amsterdam ta yama boso welkom ta algo sublime. Nos meta

ta pa mas hopi di nos studiantenan caba nan estudio cu exito y cu un gran parti
regresa Aruba.